Actualidad DEMA

Autoenplegu-proiektuetarako laguntzak eskatzeko epea ekainaren 17an irekiko da

● DEMA, Bizkaiko Enplegu eta Ekintzailetza Foru Agentzian prestakuntza eta aholkularitza indibidualizatua jaso dutenek, enplegu anezka batean edo ekintzailetza talde batean parte hartu dutenek ekintzailetza-proiektuetarako laguntzak jaso ditzakete.

● Autoenplegurako diru-laguntzak 5.000 eta 15.000 euro bitartekoak izango dira, sustatzaile kopuruaren arabera.

Bizkaiko Foru Aldundiak, Gobernu Kontseiluan, 2019ko ekitaldi honetarako Autoenpleguari buruzko Dekretua onartu du. Bertara, autoenplegurako proiektu zehatzak diruz laguntzeko eskaerak aurkeztu ahalko dira ekainaren 17tik irailaren 16ra bitartean.

Dekretu honek 6,25 milioi euroko inbertsioa du (Enplegua, Gizarte Inklusioa eta Berdintasuna sustatzeko Foru Sailaren kargura) eta proiektu bakoitzari, sustatzaile kopuruaren arabera, 5.000 eta 15.000 euro bitarteko autoenplegurako diru-laguntzak ematea aurreikusten du.

Era berean, deialdiak aurkezteko aurretiko fase bat dago, maiatzaren 3ra arte zabalik egongo dena. Fase hori sustatzaileekin horiek aholkatzeko eta aurretiko negozio plan bat burutzeko lan egiteko ardura izango duten erakundeei dagokie. Autoenplegurako azken diru-laguntzek negozio plan bat eta aurretik erakundeekin landutako prestakuntza bat izatea eskatzen dute.

ERAKUNDEEN BIDEZKO AHOLKULARITZA ETA NEGOZIO PLANA
Autoenpleguari buruzko Dekretuak lehenengo fase bat aurreikusten du erakundeek gauzatzen duten bere garapenean, autoenplegurako proiektuak sustatzen dituzten pertsonei honako laguntza hauek eskaintzeko:

• Enpresa-kudeaketari buruzko 30 orduko taldeko prestakuntza: negozioa, forma juridikoa, eratzeko legezko izapideak, baimenak, lizentziak, finantzazioa eta laguntzak, lan- eta ingurumen-arriskuak, iturriak eta finantzazio-motak, kobrantzak eta ordainketak zein zerga-ordainketa kudeatzeko tresnak.

• Negozio plan bat egiteko 40 ordurainoko aholkularitza indibidualizatua. Plan horrek honako hauek barne hartu beharko ditu: sarrera bat, negozioaren deskribapena eta kokapena, inbertsioaren eta finantzazio-iturrien proiektu bat, merkatu-ikerketa bat, antolakuntza eta giza-baliabideak, harturiko forma juridikoa, azterketa ekonomiko-finantzario bat, proiektuaren bideragarritasunaren inguruko txosten bat, arriskuaren balorazio bat eta laburpen bat.

Aipaturiko lana burutzeko foru finantzazioa eskuratu dezaketen erakundeak tokiko enplegu eta garapen zentroak edo horien mendeko erakunde autonomoak, enpresa publikoak edo bestelako erakundeak, zein fundazioak, elkarteak eta irabazi asmorik gabeko beste erakunde batzuk, betiere, gutxienez hiru urteko esperientzia egiaztatuarekin.

Erakunde bakoitzak, gehienez, 80.000 euroko diru-laguntza jaso ahalko du dekretu honi lotutako ekintzen guztizkoagatik. Emakida-araubidea lehia-prozesuaren bidez egingo da.

ENPRESAK ABIAN JARTZEA
Prestakuntza eta Negozio Plana gauzatu ostean, dekretuak enpresa baten sustatzaileentzako diru-laguntza zuzenak aurreikusten ditu, horren forma juridiko zehatza gorabehera. Diru-laguntza horiek ekainaren 17tik irailaren 16ra bitartean eskatu ahalko dira.

Enpresa Jarduera Ekonomikoen Erregistroan alta emanda egon beharko da eta sustatzaileetako bat (gutxienez) alta emanda egon beharko da autonomo gisa iazko irailaren 15etik 2019 honetako irailaren 16ra bitartean, eta autonomo gisa alta eman aurretik langabezian egon beharko litzateke eta arestian aipatu diren erakundeekin prestakuntza eta aholkularitza egina izan beharko du. Kasu honetan, ekintzailetza-proiektuetarako laguntzak jaso ahalko dituzte Enplegurako eta Ekintzailetzarako DEMA Foru Agentzian prestakuntza eta aholkularitza indibidualizatua jaso dutenek, enplegu anezka edo ekintzailetza talde batean parte hartu dutenek.

Diruz lagundu daitekeen zenbatekoa 5.000 eta 15.000 euro bitartekoa da enpresa bakoitzeko, sustatzaile-kopuruaren arabera.

Emakida-araubidea lehia-prozesuaren bidez egingo da. Sustatzaileen balorazioa langabezian egon den denbora-tartearen, gizarte-bazterkeria egoeraren, adinaren (30 urtera arteko gazteak eta 45 urtetik gorakoak), bere udalerriko langabezia-indizearen, jarduera ekonomiko motaren (enplegu berdea, zaintzaren ekonomia, gizarte jarduera berritzailea), enpresaren forma juridikoaren (gizarte-ekonomia —kooperatibak edo lan-sozietateak—) eta enplegu anezka batean egindako parte-hartzearen araberakoa izango da.

Informazio gehiago: info@dema.eus – 94 418 90 55

Taldeka Digitala programaren izen ematea irekita.

Bizkaiak, Taldeka Digitala programako deialdi berri bat izango du, Bizkaiko Enplegu eta Ekintzailetza Foru Agentziak, C2b-kin batera kudeatuta, Enplegua, Gizarte Inklusioa eta Berdintasuna Sustatzeko Saila bultzatuz eta finantziatuz. Honek, bere enpresa sortzeko aukera begiesten duten profil ekintzailearekiko pertsonen autoenplegua bultzatzen du mundu digitalean.

Dohanekoa eta presentziala den programa honek, mundu digitalean era egoki batean hasi nahi duten partaideentzat, metodologia, ikuspegi eta gomendiorik hoberenak ematea du helburu; hau da, norberaren proiektua identifikatzeko tresnak eta mundu digitalarekin lotutako negozio ideia abiaraztea.

Taldeka Digitala programan sartzeko oinarriak dira: adinduna izatea, Bizkaian bizilekua izatea, langabezian egotea edo enplegu bera hobetzeko asmoa izatea. Baldintza bakarra da mundu digitalarekiko erlazionatutako ideia bat izatea eta ekintzailea izateko asmoa. Ez da beharrezkoa teknologiarekiko formakuntzarik izatea. Ez da beharrezkoa ere negozio ideiarik izatea, baina gomendagarria izango litzateke.

Epeak eta Kronograma

Taldeka Digitaleko, online izena emateko epea deialdi berri honetan, martxoak 28an amaitzen da, www.dema.eus/forms/taldekadigitala.php barne eta programak apirilak 8 hasiko da.

Ekintzailetzaren bidez, mundu digitalean murgiltzeko ahalbidetzen duen deialdi berri honek, gutxi gorabeherako 4 asteko iraupena du, DEMA-ko instalazioetan aurrez aurreko formakuntza emango delarik. Programa amaitu ondoren, ideia edo proiektu bakoitza Demoday batean (aurkezpen eguna) defendatuko da, ekintzailetza agente batzuen aurrean (inbertsio-funtsa, enpresak, sustatzaileak, adituak). Beste Taldekakoen moduan, Autoenplegu Foru Dekretuaren laguntza ekonomikoei sarbide sustatua izango du. 2019 honetarako, diru-laguntza 5000€-tan dago ezarrita enpresa sustatzaileentzako.

Programa honetan parte hartzean interesdunak, informazio gehigarria bilatu dezakete Enplegu Foru Agentzian eta DEMA Ekintzailetzan (www.dema.eus/eu/programas-dema/taldeka-equipos-de-emprendimiento/), 944 189 055 zenbakira deitzen edo aurrez aurre Fanderia Kalea, 2 Barakaldora urbilduta.

OINARRI OROKORRAK

OINARRI BEREZIAK

ENPLEGU ANEZKA.IZENA EMAN

ANEZKA programaren bi deialdi berriak ireki dira (Bilbokoa eta Ezkerraldekoa)

Bilboko eta Ezkerraldeko anezketarako izena emateko epea otsailaren 4ra arte zabalik.

Langabezian edo lanpostua hobetzeko prozesuan Lanbide-n izena emandako edonork parte hartu dezake, Bizkaian erroldaturik badago (ez du zertan Bilbo edo Ezkerraldea eskualdeetan erroldatua izan behar).

Anezkak datorren otsailaren 18tik ekainaren 28ra arte arituko dira.

 

IZENA EMAN

Anezka Bilbo

Anezka Ezkerraldea

 

 

Millennials 1000 x 1000’ programa pilotua gazteen eta enpresetako ordezkarien arteko topaketa batekin amaitu da.

‘Ez deitu millennial, deitu aukera’, izenburupean garatu den topaketak eman dio amaiera ‘Millennials 1000 x 1000’ programa pilotuari, curriculumetik kanpoko praktika programa berritzailea enpresen mundua eta gazte millennialak elkarrengana hurbiltzeko, gazteen enplegua lortzeko aukerak handitu ahal izateko.

Joan den otsailean jarri zen abian programa, eta ongi prestatuak dauden eta enplegua aurkitu nahian dabiltzan gazteei zuzendua dago, Millennial deituriko belaunaldiko gazteak, hauxe da, enplegurako motibazio eta gaitasun bereziak eta aurreko belaunaldien aldean guztiz bestelakoak dituztenak.

(gehiago…)

ANEZKA programaren bi deialdi berriak ireki dira (Bilbokoa eta Ezkerraldekoa)

ANEZKA programaren bi deialdi berriak ireki dira (Bilbokoa eta Ezkerraldekoa)

Bilboko eta Ezkerraldeko anezketarako izena emateko epea otsailaren 4ra arte zabalik.

Langabezian edo lanpostua hobetzeko prozesuan Lanbide-n izena emandako edonork parte hartu dezake, Bizkaian erroldaturik badago (ez du zertan Bilbo edo Ezkerraldea eskualdeetan erroldatua izan behar).

Anezkak datorren otsailaren 18tik ekainaren 28ra arte arituko dira.

IZENA EMAN

 

 

 

ZURE LANBIDEA ERAIKITZEN

ZURE LANBIDEA ERAIKITZEN

 

Prestakuntza-programa honetan, hezkuntza-sistematik atera diren gazte langabeak hautatuko dira, bai eta lan-munduratzeko zailtasunak dituztenak ere, eraikuntzaren sektorean sartzen den jarduera batean trebakuntzaren bidez jarduera horren berezko lanbideak ikas ditzaten, eta aukera eta lanbiderako nitxoa aurki dezaten.

 

Programaren hasiera, urtarrilaren 7a eta apirilaren 30a, 2019.

 

Izena emateko epea: 2019ko urtarrilaren 2a arte.

INSCRIBETE

7.500 pertsona baino gehiago hurbildu dira Prestik Enpleguaren Azokara

60 enpresa izan dira pertsonalaren arloan behar dituzten 178 profil profesionaletan enplegurako 3.007 curriculum jaso dituztenak. enpleguaren Azokan eta Ekintzailetzaren Sarekin Aretoan 37 ekintza programatu garatu dira; horien artean tailerrak, hitzaldiak, topaketak eta beste jarduera batzuk egon dira.

(gehiago…)

Tailer eta hitzaldietan izena eman duten 4.000 parte-hartzaile baino gehiagorekin hasi da PRESTIK Enpleguaren Azokan

Azoka Sarekin Ekintzailetasunaren Aretoarekin batera egingo da gaur eta bihar, Bilboko Euskalduna Jauregian. PRESTIKek 60 bat enpresatan eskatzen dituzten 170 profil profesional baino gehiagoko lan-poltsa bat du.

(gehiago…)