Actualidad DEMA

PRESTIK’14 GAZTE LANBIDEAREN AZOKAREN LAN-POLTSAK 28 ENPRESAREN 150 ESKAINTZA KUDEATUKO DITU

Prestiken aurreko edizioa

 

Izangaien curriculumak Prestik´14 azokaren web-orrialdearen bidez jasoko dira (www.bizkaia.net/prestik), eta lan- elkarrizketak gazte lanbidearen azokan egingo dira, azaroaren 25ean eta 26an, Bilboko Euskalduna jauregian.

Enplegu-eskaintzen artean, 27 desgaitasuna duten pertsonentzat gorde dira.

Prestik’14 azokaren lan-poltsak gazteentzako 150 lan-eskaintza kudeatuko ditu, 28 enpresari dagozkionak, eta haietako 27 desgaitasuna duten pertsonentzat izango dira.
 
 
 
.

Izangaien curriculumak azokaren web-orrialdearen bidez jasoko dira (www.bizkaia.net/prestik), gaurtik azaroaren 3ra arte; izan ere, egun horretan, gazteak aukeratzen hasiko dira, gero eskainitako lanpostuetarako elkarrizketak egiteko.

Lehen iragazi hori gainditzen dutenek lan-elkarrizketak egingo dituzte (aurreko edizioan bezala), azokan bertan, azaroaren 25 eta 26an, 10:30etik 19:00etara. Horretarako, banan-banan deituko zaie, azoka egin aurreko egunetan. 

Lan-poltsan parte hartzen duten enpresak hainbat jarduera-sektoretakoak dira: elikagaien industriarako makinen fabrikazioa, robotika, informatika, metalurgia, automobilgintza eta energia, besteak beste. Ondorioz, enplegu-eskaintzak ere era askotakoak dira: tornularia, programatzailea, ingeniaria, tratamendu termikoen teknikaria, eskorga-gidaria, klinikako laguntzailea, delineatzailea eta I+G proiektuen arduraduna.

Enplegu-eskaintzen artean, gainera, 27 desgaitasuna duten pertsonentzat gorde dira. FSC Inserta eta Fundación Lantegi Batuak erakunde sozialek eskaintzen dituzte lanpostu horiek. Eskaintzen dituzten lanpostuen artean, berriz, industria-ingeniaria, kutxazaina, behargina, kontularia, sukaldaria eta lorezaintzako teknikaria daude.

 

ELEVATOR PITCH

Elevator  Pitch lehiaketa Bizkaiko ekintzaileentzat (PRESTIK AZOKA) 4.500€ baino gehiago jokoan!
Izena emateko epea ireki berri da, negozio planak dagoeneko landuta dituzten ekintzaileei edo martxan dituzten enpresen sortzaileei zuzendua da.
Kategoria bakoitzeko 10 aukeratuko dira aurretiko aukeraketan eta Prestik Azokan, Euskalduna Jauregian, azaroaren 25 eta 26an izango da finala.
Informazio gehiago Prestik-eko web orrialdean aurkituko duzu:

 

 

elevator

 

.