Actualidad DEMA

Enpresari bideoen lehiaketa 2015. Hona hemen irabazlea¡

Hona hemen irabazlea: d3gunea (2015-0336). Santurtziko S. Jose de Calasanz ikastetxekoa izan da botorik gehien lortu duena. 5300 botoen artean, Davidek, Marinak eta Aintzanek egindako bideoak 556 lortu du.

Zinez eskertzen dizkizugu partehartzaile guztioi lehiaketan parte hartzeko egindako esfortzu eta lanak eta, jakina, d3gunea-ren egileak zoriondu nahi ditugu. ZORIONAK!! Oraindik Demak aukeratua izateko aukera dago, eta noski, gure bulegoetara etortzeko hautatuko diren 100 horietako bat izatekoa ere bai.Zorionak berriz! 

 

PANTALLAZO

 

.

Aurrekontuan % 2,8 gehiago dugu, pertsona bat ere abandonatuta, diskriminatuta edo baztertuta geratu ez dadin lortzeko

 

Teresa Laespada Enplegua, Gizarte Inklusioa eta Berdintasuna Sustatzeko diputatuak bere sailaren aurrekontuak aurkeztu ditu, eta adierazi du % 2,8 gehiago izango duela bere helburu nagusia lortzeko: pertsona bat ere abandonatuta, diskriminatuta edo baztertuta ez geratzea.

Gaur goizean egin du aurkezpena, Ekonomia eta Ogasuneko Batzordean, aurrekontuaren ildo nagusiak aurkezteko eginiko agerraldian.

Inklusiorako programa (aurrekontu osoaren % 36,2) eta enplegua sustatzekoa (% 33,5) dira sailaren barruan aurrekontu-pisu handiena dutenak; ondoren, emakumea eta familia (% 12,6) eta dibertsitatea eta lankidetza (% 12,1)..

Nabarmendu behar da garapenerako lankidetzan eginiko inbertsioak 2016ko ekitaldiko aurrekontuaren % 0,48ra heltzen direla; helburua da hala jarraitzea harik eta % 0,7 lortu arte.

Laespadak adierazi duenez, kontu horien helburua da hiru zuzendaritzen ekimena aprobetxatzen duten politikak abiaraztea datorren urtean; izan ere, gogorarazi duenez, generoa eta enplegarraritasuna lotuta joaten dira askotan, eta ez da ahaztu behar biek gizarte-bazterketaren arriskuarekin izan ohi duten lotura.

Azpimarratu du sail berri bat sortu dutela, eta asmoa dela tresna erabilgarria izatea. Eta gaineratu du hori izango dela Bizkaiari datozen urteetarako egingo dioten ekarpena, betiere, zeharkakotasuna, gertutasuna eta berrikuntza oinarri izanda.