Actualidad DEMA

Taldeka bat, profil ekintzaileko profesional immigranteentzat

Bilbo, 2017ko martxoak 27
  • Programan parte hartzen dutenek autoenplegurako laguntzak eskuratzeko aukera izango dute
  • Taldeka-Ekintzailetza Taldeak programak kolektibo horrentzako negozio aukerak landuko ditu

Gaurtik hasita eta 2017ko apirilaren 25a arte, interesdunek izena eman dezakete Taldeka-Ekintzailetza Taldeak programaren deialdi berrian. Deialdia Bizkaiko Foru Aldundiaren Enplegua, Gizarte Inklusioa eta Berdintasuna Sustatzeko Sailak eta DEMA Enplegu eta Ekintailetza Foru Agentziak bultzatu dute. Bestalde, deialdi espezifikoa da lanik gabe edo lana hobetzeko prozesuan dauden immigrante ekintzaileentzat, eta immigrante profesionalen ELKARTEAren laguntzaz egingo da (ANMR Nuevo Modelo de Relación).

Taldeka-Ekintzailetza Taldeak programa aukera berritzaile bat da hainbat kolektiboren langabezia egoerari erantzuteko, eta kolektibo horietako kideak sentsibilizatu, motibatu eta bultzatu nahi dira autoenpleguaren bidea hartzera. Horretarako, pertsona horiek prestakuntza eta laguntza jasoko dute, negozio ideiak sortzeari begira. Taldeka programak bilatzen du, gainera, parte hartzaileen arteko sinergiak batzea, eta horien bidez enpresa berriak sortzea, non enpleguak sortuko diren bai norberarentzat bai hirugarren pertsonentzat. Ekintzailetza taldearen lana koordinatzaile baten zaintzapean egiten da.

Hiru fase
Taldeka programa hiru fasetan egiten da:

  • I. fasea (2 hilabete). Pertsona barneko gaitasunetan trebatzeko lankidetza prozesu bat da, ekintzailetza profila indartzera bideratuta, coaching tekniken bitartez. Fase honetan, 500 €-ko gehienezko beka jaso dezake parte hartzaile bakoitzak, dietak, joan-etorriak… ordaintzeko.
  • II. fasea (2 hilabete). Fase honetan, programan parte hartzen duten pertsonek negozio plan bat egiten dute, aholkulari espezifikoen laguntzaz.
  • III. fasea. Proiektua abian jartzea eta haren gestiorako laguntza teknikoa. Fase honetan, ekintzailetza taldeko pertsonek aukera izango dute, puntuazio gehigarriarekin (10 puntu Taldekan parte hartzeagatik), negozioa martxan jartzeko 15/2017 Foru Dekretuaren edo 2018an argitaratuko den Dekretuaren laguntzak eskuratzeko. (5.000 euro enpresa sustatzaile bakoitzeko).

Profesional immigranteentzako deialdi honetan parte hartu nahi duten pertsonek baldintza hauek bete behar dituzte:

  1. Unibertsitateko titulu akademikoa, teknikoa –ertaina edo goi mailakoa– eta/edo Lanbide Heziketako titulua edukitzea.
  2. Bizkaiko udalerri batean bizitzea eta erroldatua egotea.
  3. Langabezian egotea edo enplegua hobetzeko prozesuan.
  4. LANBIDEn izena emanda egotea.

Deialdi honetan izena eman nahi dutenek telematikoki egin behar dute eskaera, helbide honetan: http://www.dema.eus/taldekapi.
Gainera, eskaera egiteko epearen barnean, curriculuma entregatu eta ekintzailetza nortasunari buruzko test bat egingo dute, honako bulego hauetako edozeinetan:

  • DEMAren Barakaldoko bulegoa: Fanderia 2, Barakaldo Elkartegia eraikina, 104 mod. (944 189055)
  • ELKARTEAren bulegoa: Unamuno Plaza 2 (2. lokala, atzealdea, Prim kalea), Alde Zaharra, Bilbo (946 075 399)

DEMAk Deustuko Enplegu eta Ekintzailetza Foroan parte hartuko du

Bilbo, 2017ko martxoak 27

  • Aurreko ekitaldian, 237 gaztek aurkitu zuten lana
  • Foru Agentziak Taldeka ekintzailetza taldeak zer diren azaldu, eta une honetan

Martxoaren 29an eta 30ean, Bizkaiko Foru Aldundiaren Enplegua, Gizarte Inklusioa eta Berdintasuna Sustatzeko Sailak eta DEMA Enplegu eta Ekintzailetza Foru Agentziak Deustuko Unibertsitatearen Enplegu eta Ekintzailetza Foroaren hamahirugarren ekitaldian parte hartuko dute. Urteroko hitzordu honetan, unibertsitateak topagune bat izan nahi du, enplegu eragileak, azken mailetako ikasleak eta lehenengo lana edo lan hobeago bat bilatzen ari diren gradudunak zuzenean elkartu daitezen.

Sailak eta DEMAk stand bat jarriko dute, Eraikin Nagusiaren klaustroetan. Foru Agentziak enplegu eta ekintzailetza arloetan abian dituen jarduera lerroak, zerbitzuak eta irtenbideak azalduko dizkie hurbiltzen direnei. Enplegua, Gizarte Inklusioa eta Berdintasuna Sustatzeko Sailak, bestalde, informazioa emango du standean bai enplegua sustatzeko dekretuei buruz (autoenplegua, gazteak eta bazterkeria arriskuan dauden
pertsonak) bai EEEren eraginpean dauden pertsonak berriro kualifikatzeko ekimenei buruz.

Ostegunean, hilak 30, DEMAko enplegu eta ekintzailetza teknikari Isabel Morejón andreak hitzaldi bat emango du, TALDEKA-Ekintzailetza Taldeak programaren nondik norakoak azaltzeko. Hitzaldia Graduondoko 2. ikasgelan (Psikologia) izango da, 10:00etatik 11:00etara. Jarduera horretan parte hartzeko interesa dutenek izena eman
behar dute esteka honetan: bit.ly/TaldekasDEUSTO.

Aste honetan, bi deialdi zabalduko dira, bi taldeka programa zehatz hauetan izena emateko: bat, immigrante profesionalei zuzendutakoa, eta beste bat, sektore soziosanitarioari lotutakoa; hain zuzen, biztanleria zahartzearen errealitatetik sortutako lan aukerei buruzkoa.

Deustuko Unibertsitatearen Enplegu eta Ekintzailetza Foroak enpresa mundua gerturatu nahi die prestatutako pertsonei, haien laneratzea bultzatzeko. Ekitaldian parte hartuko duten berrogeita hamar enpresak eta erakundek baino gehiagok aukera ugari eskainiko dituzte, boluntario proposamenetik hasita praktika eta enplegu profesionaletara. Aurreko edizioan, foroa plataforma moduko bat izan zen lana bertan aurkitu zuten 237 gazterentzat.

Bizkaian martxan dauden 8 enplegu anezkek beren esperientziak partekatuko dituzte ostegun honetan

Bilbo, 2017ko martxoak 8

• Programaren bitartez, ehun pertsonak baino gehiagok egiten dute lan beren enplegagarritasunaren alde hainbat eskualdetan.
• Topaketak aukera emango die anezketako kideei networking gune bat partekatzeko haien hautagaitzak jaso eta enplegua eskain diezaieketen enpresekin.

Gaur egun Bizkaian 8 enplegu anezka daude martxan: bi Bilbon eta beste sei Ezkerraldean, Meatzealdean, Uribe Kostan, Nerbioi-Ibaizabalen, Busturialdean eta Durangaldean. Guztiak dira Bizkaiko Foru Aldundiaren Enplegua, Gizarte Inklusioa eta Berdintasuna Sustatzeko Sailak, DEMA ¬- Enpresa Sorkuntza eta Garapenerako Agentziaren bitartez, eta Santamaria La Real Fundazioaren lankidetzarekin, sustaturiko Enplegu eta Ekintzailetzako ANEZKA programaren zati. Bilboko bigarrenak eta Ezkerraldekoak –eskualdeko bigarrena– Telefónica Fundazioaren babesa eta Europako Gizarte Funtsaren baterako finantzaketa dute, gainera.

Programa abian jarri zenetik, 2016. urtearen hasieran, ez zen halako anezka kopuru handirik egon martxan Bizkaian. Elkar ezagutzeko eta esperientziak partekatzeko parada hau aprobetxatzea ezinbestekoa da haientzat; bai beren ibilbidearen amaierara iristen ari direnentzat, bai garapen prozesu betean den Bilboko bigarrenarentzat.

Topaketa
Xede horrekin, bihar, osteguna, martxoak 9, Bizkaiko Anezken Arteko Azken Topaketa egingo da Abando hotelean 10:00etatik 14:00etara. Topaketa irekitzeko Teresa Laespada (Enplegua, Gizarte Inklusioa eta Berdintasuna Sustatzeko Saileko foru zinegotzia), Gloria Mugica (DEMAko zuzendari kudeatzailea), Álvaro Retortillo (Ondare Historikoaren Santa María la Real Fundazioko Enplegu Anezkak programako zuzendaria) eta Matías Figueroa (Telefónica Fundazioko enplegagarritasun programetako arduraduna) izango dira bertan.

Ekitaldiak bi zati izango ditu: lehenengo zatia mahai inguru bat izango da, eta bertan, Human, Adecco, Confebask, Eroski eta Matrici enpresetako ordezkariek “Zer bilatzen dute enpresek?” gaia izango dute hizpide Bizkaiko Foru Aldundiko Enpleguko zuzendari Alfonso Garcíaren gidaritzapean. Bigarren zatiak hiru aldibereko jarduera bilduko ditu:

enpresekiko networking gune bat anezketako kideek bitartekotza egin eta beren hautagaitzak aurkezteko; adimen emozionaleko lantegi bat, Cristina Zurita espezialistaren eskutik; eta anezketako koordinatzaileek eta kideek dinamizaturiko komunikazio lantegi bat.

Bizkaiko Anezken Arteko Azken Topaketa ez da publikoari irekitako saioa izango, eta anezketako kideek, antolatzaileek, lankideek eta prentsak bakarrik parte hartu ahalko dute.