Actualidad DEMA

PRESTIK Enpleguaren Azokarekin bat garatzen den ekintzailetasunerako SAREKIN Aretoa

Sarekin Ekintzailetasunaren Aretoak aukera emango du gure Lurraldeko ekintzailetasunaren arloko eragileen eta arloan interesa duten pertsonen lan erkiderako; Prestik Enpleguaren Azokarekin batera egingo da, abenduaren 12an eta 13an, Bilboko Euskalduna Jauregian.

(gehiago…)

Prestik-ek enplegu poltsa bat ireki du 50 enpresatako 140 lanbide-profiletarako

Hainbat sektoretako Bizkaiko berrogeita hamar bat enpresak gaurtik aurrera euren enplegu poltsak zabalik edukiko dituzte 143 lanbide-profiletarako, PRESTIK 2018 enplegu eta ekintzailetza azoka dela eta.

Interesdunek enplegu poltsarako izena eman dezakete PRESTIK 2018 Enplegu eta Ekintzailetza Azokaren web-orrian (www.prestik.eus). Azoka hori Euskalduna Jauregian egingo da, abenduaren 12an eta 13an, DEMA – Enplegu eta Ekintzailetzarako Foru Agentziak sustatuta.

(gehiago…)

Berrogeita hamar ideiatik gora ‘Enpresari’ DEMA agentziaren LHko ekintzailetza-programaren azken faserako

  • urtetik hona, 700 enpresa-proiektuk baino gehiagok hartu dute parte programa honetan
  • DEMA agentziak egiten du ‘Enpresari’ programa, lanbide heziketako zentroekin batera.

DEMA Enpresa Garapenerako Agentziak enpresa-ekintzailetzari buruzko 55 ideia aukeratu ditu ‘Enpresari’ programaren azken fasean parte hartzeko; Bizkaiko lanbide heziketako ikasleek aurkeztu dituzte proiektuok.

(gehiago…)

SAREKIN: Bizkaiak sarean ekiten dio!

Ideia, iradokizun eta eskaera horiei guztiei erantzuteko, Foru Aldundiak eta DEMAk Ekintza Plan egoki eta bideragarri bat sortu dute, bi fasetan banatua: martxan jartzea eta sendotzea.

Lehenengo fasean, sarea martxan jartzeko (2018-2019), Bizkaian Ekintzailetza Sare bat sortzen saiatuko da, sare iraunkor eta jasangarria denboran, gai izango dena gure lurraldeak eta biztanleek unean-unean behar dituzten efizientzia, gardentasun, lankidetza, fidagarritasun eta profesionaltasun helburuak betetzeko. Sakon aztertuko dira Agenteen Sarearen egitura eta antolakuntza, eta batera abian jarri beharreko ekintzak edo proiektuak.

(gehiago…)

Bakarrizketa lehiaketa Enplegu

DEMA Enplegu eta Ekintzailetza Foru Agentzia Bizkaiko Foru Aldundiko Enplegua, Gizarteratzea eta Berdintasuna Sustatzeko Sailaren mendekoa da eta berak antolatzen du lehiaketa hau, umorez bakarrizketetan sormena eta antzezpena sustatzeko.

 

  1. Bakarrizketaren gaia: bakarrizketaren gai nagusia pertsona batek, bai besteren kontura, baita norberaren kontura ere lan merkatuan sartzea erabakitzen duenean izan ditzakeen gorabeherak antzeztea da: lan elkarrizketak, zailtasunak, errekerimenduak, merkatuaren eskakizunak…. Dena den, bakarrizketaren egileak hautatuko ditu azpimarratu nahi dituen alderdiak…
  2. Hizkuntzak: lurraldeko edozein hizkuntz ofizial aukeratu dezake parte hartzaileak bakarrizketa egiteko.
  3. Sariaren zenbatekoa: lehenengo saria 3.000 euro dira. Nolanahi ere, 250 euroko saria emango zaio azken ekitaldirako hautatu den finalista bakoitzari, baina ezingo da lehenengo sariaren zenbatekoarekin metatu. Sariei indarreko zerga araudia[1] aplikatuko zaie eta zenbatekoak garbiak dira, dagokien atxikipena egin ondoren.
  4. Bideoak hartzeko fasea: azaroaren 5etik 22ra partaideek bakarrizketak testuan (PDF formatua) bidaliko dituzte eta gutxienez 3 (gehienez 6) minutuko antzezlanaren lagina erantsiko diote bideo euskarrian. Honako helbidera igorriko dira: enplegua@prestik.eus. Bestela, DEMAren egoitzan, Barakaldon (Fanderia kalea, 2), aurkez daitezke. Harremanetarako datuak (izena eta abizenak: izen artistikoa, nahi izanez gero; NANa; helbidea; posta elektronikoaren helbidea eta telefonoa) eta xedea adieraziko dira: Enplegua eta Ekintzailetza- Bakarrizketen lehiaketa.
  5. Finalistak hautatzeko fasea: azaroaren 22tik 26ra. Epaimahaiak jasotako testu eta bideoetan oinarrituta, aurretiaz 4 bakarrizketen egile hautatutako ditu eta azken fasera pasako dira. Azaroaren 26an hautatuei azken fasera pasako direla jakinaraziko zaie.
  6.  Azken fasea: azken faserako 4 bakarrizketa egile hautatuko dira eta epaimahaiaren eskutik balioztapenik onena lortu dutenak izango dira. Hautatutako finalista orok aurkeztutako bakarrizketa garatu beharko du eta sei minutuko iraupenera irits daiteke azken ekitaldian antzezteko. Hori PRESTIK enplegu azokan egingo da abenduaren 13an.

 

Epaimahaiko kideak:

(gehiago…)

Berrietan bilatu