Actualidad DEMA

• Enpresetako arduradunentzako, besteren konturako langileentzako eta langile autonomoentzako datuak eta loturak dituen tresna bat da.

• Diruzaintzari, finantziazioari, fiskalitateari eta tributuei buruzko informazioa du.

• Informazioa berritasunak izan ahala edo neurri berriak onartu ahala eguneratuko da.

• Laespadak: Ahalik eta enplegu gehien salbatu behar da.

Enplegu eta Ekintzailetza Foru Agentziak-DEMAk, Bizkaiko Foru Aldundiko Enplegua, Gizarte Inklusioa eta Berdintasuna sailak sustatuta, bere web-orrian aldi baterako enplegu-erregulazioko espedienteei (ABEEE) buruzko informazioa argitaratu du, baita koronabirusaren pandemiak eragin dien enpresetako arduradunentzako, besteren konturako langileentzako eta langile autonomoentzako laguntzei buruzko informazioa ere.

Teresa Laespada Enplegua, Gizarte Inklusioa eta Berdintasuna Sustatzeko Saileko arduradunak –sail horren mendean dago DEMA Foru Agentzia– azaldu duenez, onartzen ari diren arautegiei buruzko informazioa eta loturak eskaintzen dituen gune bat da; beraz, gune bizia da, etengabe eguneratzen ari dena.

Ildo horretan, adierazi du helburua dela dagoen informazio guztia eskaintzea pertsonei, enpresei eta erakundeei, ahalik eta lanpostu gehien salbatu ahal izateko.

Webgunearen diseinua zuhaitz itxurakoa da, informazioa erraz ulertzeko aukera emateko, eta diruzaintza, finantziazio, fiskalitate eta tributuen arloko neurriei buruzko datuak eta neurri horiei buruzko dokumentuetara sartzeko loturak ditu.

Halaber, foru-sail hori, besteak beste, lanean ari da, urgentziaz, enpleguaren arloan, pandemia eragiten ari den enplegu-galerari aurre egiteko politiketan eta programetan.

Datozen egunetan onartzen diren programak eta politikak prestatzeko, kontuan hartu da koronabirusaren osasun-krisiak arlo ekonomikoan, enpresenean eta lan-arloan eragindako egoera larria.

Informazio honetara sartu nahi duenak esteka honen bitartez egin ahal izango du: www.dema.eus/covid19

Ez galdu! Hemen Covid-19aren aurkako neurri ekonomiko guztiak aurkituko dituzu

Covid19ri eusteko neurriak direla eta, LABORLAN programa izena emateko epea apirilaren 13ra arte atzeratu da. Bizkaiko Foru Aldundiko Enplegu, Gizarteratze eta Berdintasun Sailak, DEMA Enplegu eta Ekintzailetzako Foru Agentziaren bidez, programa hau sustatu eta finantzatzen du. Enplegurako eta prestakuntzarako programak oso baliabide baliagarriak dira pertsonen enplegagarritasuna hobetzeko, bereziki laneratzeko zailtasun handienak dituztenak, lanbide espezifikoetan azkar kualifikatzen laguntzen baitute, nahierako prestakuntza eta kontratazioa konbinatzen baitituzte enpresetan esperientzia profesionala egiteko.

(gehiago…)

Prestakuntza eta enpleguranzko bidelaguntza ematen dituen AnezkaPrest programa era trinko eta telematikoan gauzatuko da. Aurreinskripzio-epea ekainaren 7an amaituko da.

(gehiago…)