Actualidad DEMA

TALDEKA DIGITALA DEIALDI BERRIA

Taldeka digitala

Taldeka Digitala programa biribil bat da, eta helburu hau du: ideia batetik abiatuta mundu digitalarekin erlazionatutako negozio bat sortu nahi dutenei ekiten laguntzea. Programan parte hartzen baduzu, 5.000 €-ko laguntza jaso ahal izango duzu, bai eta zure proiektua aurrera ateratzeko behar dituzun tresna, metodologia, ikuspegi eta gomendio guztiak ere. Hori guztia helburu argi batekin: gutxienez parte hartzaileen %60k zuen lanpostua sortu dezazuen lortzea.

Zertan lagunduko dizu Taldeka Digitalak?

  1. Erakundeen benetako erronkak bururatu, zehaztu eta identifikatzeko prozesua gauzatzen, horietatik abiatuta enpresa proiektuak sortzeko.
  2. Startupen errealitatean oinarritutako lan metodo bat garatzen.
  3. Sektore digitaleko profesional, enpresa eta funtsezko eragileekin harreman handiagoa izaten.

Taldeka Digitaleko parte bazara, indarrean dagoen autoenpleguari buruzko Foru Dekretuan ezarritako dirulaguntzak eskuratzeko aukera izango duzu.

Taldeka Digitaleko kide izateko:

  • Mundu digitalarekin lotutako enpresa ideia bat izatea baloratuko dugu, baina ez da ezinbesteko baldintza. Zure ideia digitala izan daiteke (app, game, programa, e-commerce…), edo sektore tradizional bateko osagai baten garapen edo eraldaketa digitala.
  • Ez da nahitaezkoa teknologiarekin zerikusia duen prestakuntza izatea. Ekintzailetza digitalaren munduko ateak irekita daude profil ez-teknikoetarako ere!

Parte hartzeko baldintzak:

  • Langabezian edo enplegua hobetzeko prozesuetan izena emanda egotea, eta, kasu horretan, gehienez ere lanaldi erdiko kontratua izatea, programan parte hartzeko aukerarekin.
  • Bizkaian erroldatuta egotea.
  • Bizkaian enpresak sortzeko eta martxan jartzeko laguntzak arautzen dituzten Foru Dekretuen bidez emandako dirulaguntzen esleipenduna ez izatea.
  • Zergen arloan, Administrazio Publikoekiko eta Gizarte Segurantzarekiko betebeharrak egunean izatea.
  • Taldekaren beste deialdi batean edo DEMAren Eskualdea Berraktibatzeko beste deialdi batean parte hartu ez izatea.
  • Dirulaguntza publikoak eskuratzeko debekurik ez izatea, arau hausteak egin izateagatik.

Nola antolatzen da programa?

Izen ematea: izena emateko epea 2022ko maiatzaren 12an amaituko da, 23:59an.

Programa: eskolak 4 astez egingo dira. Prestakuntza saioak astean 4 egunez egingo dira, eta saio bakoitza 4 ordukoa izango da.

Jorratuko diren gaiak: espezialistek emandako eskoletan, parte hartzaileek prestakuntza trinkoa jasoko duzue, negozio digital bat abian jartzeko eta kudeatzeko funtsezkoak diren hiru gai nagusiei buruz:

  • Ezagutza.
  • Produktua.
  • Harremanak.

Gaiak:

  • modulua: marketin digitala
  • modulua: bazkide ituna
  • modulua: merkataritza estrategia eta salmenta plana
  • modulua: capital meeting
  • modulua: enpresa plana

Proiektuaren defentsa: programa amaitu aurretik, parte hartzaileok zuen proiektuaren defentsa egiteko aukera izango duzue Demo Day batean, ekintzailetza digitaleko eragileen eta balizko business angelsen (inbertsio bideratzaileak) aurrean.

Epea maiatzsren 12an amaitzen da!

 

Apirilaren 3an amaituko da LaborLan programarako izena emateko epea; programaren xedea enplegua sustatzea da prestakuntza-ekintza baten bidez.

Pertsonen Zaintzaren sektorearen kasuan izan ezik (martxoaren 27an amaituko da izena emateko epea), gainontzeko sektore guztietan apirilaren 3ra arte egongo da eskaera egiteko epea irekita: birgaitze iraunkorra, obra zibila (indusketa eta lur-mugimenduak), salbamendua eta sorospena, nekazaritza eta teknologia (programazioa).

Izena eman duten pertsonen artean parte-hartzaileak hautatzeko prozesuak amaitu ondoren (hurrengo bi asteetan egingo dira), apirilean hasiko dira prestakuntza-ekintzak, eta 2022ko udara arte iraungo dute; ondoren, lanbide-esperientziaren bigarren fasea hasiko da.

Informazio gehiago: 94 418 90 55


Laespada: «Kalitatezko enplegua lortzen laguntzen dugu»

LaborLan III Programa
INFORMAZIO GEHIAGO

DEMA Enpleguaren eta Ekintzailetzaren Foru Agentziak LaborLan programaren hirugarren edizioa abiarazi du, laguntza integraleko ekimena, prestakuntza espezializatuarekin eta kontratu profesionalarekin.

DEMAk, Enplegua, Gizarte Inklusioa eta Berdintasuna Sustatzeko Foru Sailari lotutako agentziak,  bultzatzen duen programak besteak beste honako sektore hauetan jarriko du arreta edizio honetan: birgaitze iraunkorra, pertsonen zaintza, obra zibila (indusketak eta lur-mugimenduak), salbamendua eta sorospena, nekazaritza eta teknologia (programazioa).

Gainera honako  erakunde eta taldeen laguntza jasotzen du:  Euskadiko baserritar profesionalen nekazaritza-erakundea (ENBA); Euskadiko Ezagutza eta Teknologia Aplikatuko Industrien Elkartea (GAIA); Bizkaiko Gurutze Gorria;  Gizarte Zerbitzu Integratuen Taldea (SSI);  Asociación de Constructores y Promotores de Bizkaia – Bizkaiko Etxegile Sustatzaileen Bazkuna (ASCOBI – BIEBA); eta  Asociación Vizcaína de Excavadores – Bizkaiko Induskari Elkartea (AVE – BIE).

Aurre-inskripzioa apirilaren 3ra arte dago irekita eta informazio gehiago nahi bada DEMA Foru Agentzian eskuratu daiteke  94 418 90 55 telefono zenbakian

Enplegua, Gizarte Inklusioa eta Berdintasuna Sustatzeko  foru diputatuak, Teresa Laespadak, enpleguari laguntzeko programa integralen beharra nabarmendu du, sektore horietan lanpostuak sortzen dituzten erakunde eta enpresekin lankidetzan diseinatuak. “Pertsonei kalitatezko enplegua lortzen laguntzen diegu”, gaineratu du.

Programaren xedea lan-orientazioa ematea, programan zehar eta ostean laguntza ematea, banakako trebetasunetan oinarritutako trebakuntza pertsonalizatua ematea, prestakuntza espezializatua eta enpresara hurbiltzea errazteko eta elkar hobeto ezagutzeko kontratu profesionala dira, gero kontratu bat egin ahal izateko.

LaborLanen lehen edizioak 73 pertsonari kontratuarekin lan-esperientzia lortzeko aukera eman zien. Bigarren edizioan gutxienez 83 pertsonak lortu zuten lan-esperientzia.

LaborLan III Programa
INFORMAZIO GEHIAGO

LaborLan programan aurrez izena emateko epea ireki da; programaren xedea kontratazioa sustatzen duen enplegua laguntzea da

DEMA Foru Agentziak bultzatzen duen programaren hirugarren edizioa besteak beste honako sektore hauetan zentratzen da: birgaitze iraunkorra, pertsonen zaintza, obra zibila (indusketak eta lur-mugimenduak), salbamendua eta sorospena, nekazaritza eta teknologia. Aurrez izena emateko epea apirilaren 3ra arte egongo da zabalik.

Informazio gehiago 94 418 90 55 telefonoan.


Laespada: «Kalitatezko enplegua lortzen laguntzen dugu»

LaborLan III Programa
INFORMAZIO GEHIAGO

DEMA Enpleguaren eta Ekintzailetzaren Foru Agentziak LaborLan programaren hirugarren edizioa abiarazi du, laguntza integraleko ekimena, prestakuntza espezializatuarekin eta kontratu profesionalarekin.

DEMAk, Enplegua, Gizarte Inklusioa eta Berdintasuna Sustatzeko Foru Sailari lotutako agentziak,  bultzatzen duen programak besteak beste honako sektore hauetan jarriko du arreta edizio honetan: birgaitze iraunkorra, pertsonen zaintza, obra zibila (indusketak eta lur-mugimenduak), salbamendua eta sorospena, nekazaritza eta teknologia (programazioa).

Gainera honako  erakunde eta taldeen laguntza jasotzen du:  Euskadiko baserritar profesionalen nekazaritza-erakundea (ENBA); Euskadiko Ezagutza eta Teknologia Aplikatuko Industrien Elkartea (GAIA); Bizkaiko Gurutze Gorria;  Gizarte Zerbitzu Integratuen Taldea (SSI);  Asociación de Constructores y Promotores de Bizkaia – Bizkaiko Etxegile Sustatzaileen Bazkuna (ASCOBI – BIEBA); eta  Asociación Vizcaína de Excavadores – Bizkaiko Induskari Elkartea (AVE – BIE).

Aurre-inskripzioa martxoaren 27ra arte dago irekita eta informazio gehiago nahi bada DEMA Foru Agentzian eskuratu daiteke  (94 418 90 55 telefono zenbakia).

Enplegua, Gizarte Inklusioa eta Berdintasuna Sustatzeko  foru diputatuak, Teresa Laespadak, enpleguari laguntzeko programa integralen beharra nabarmendu du, sektore horietan lanpostuak sortzen dituzten erakunde eta enpresekin lankidetzan diseinatuak. “Pertsonei kalitatezko enplegua lortzen laguntzen diegu”, gaineratu du.

Programaren xedea lan-orientazioa ematea, programan zehar eta ostean laguntza ematea, banakako trebetasunetan oinarritutako trebakuntza pertsonalizatua ematea, prestakuntza espezializatua eta enpresara hurbiltzea errazteko eta elkar hobeto ezagutzeko kontratu profesionala dira, gero kontratu bat egin ahal izateko.

LaborLanen lehen edizioak 73 pertsonari kontratuarekin lan-esperientzia lortzeko aukera eman zien. Bigarren edizioan gutxienez 83 pertsonak lortu zuten lan-esperientzia.

LaborLan III Programa
INFORMAZIO GEHIAGO

LaborLan III, eman urrats bat enplegurantz

Laborlan 3 banner

LaborLan programaren hirugarren edizioa jarri dugu martxan, parte hartzen dutenen kualifikazioa eta laneratzea bilatzen dituen bitariko programa.

Zertan datza LaborLan III?

LaborLan III programa osoa da eta laguntza integrala, formazio espezializatua eta esperientzia profesionala eskaintzen dizkizu, sektoreko enpresetan lan kontratua barne, formazioan zehar ikasitakoa praktikan jartzeko.

Zer aurkituko duzu programan?

  • Lan-orientazioa
  • Programak irauten duen bitartean laguntza
  • Zure gaitasun pertsonalen araberako gaitze pertsonalizatua
  • Formazio espezializatua
  • Esperientzia profesionala, lan kontratuarekin

Zergatik eskaintzen ditu LaborLan programak espezialitate desberdinak?

Programako parte hartzaile guztien enplegagarritasuna hobetzea eta ahalik eta epe laburrenean lanpostua topatzea da gure helburua. Horretarako, aurretiko ikerketa egin dugu, pertsonal kualifikatu gehien behar duten sektoreak identifikatzeko helburuz. Horrela, hirugarren edizio honetan sei ibilbide desberdin eskaintzen ditugu:

Laborlan 3:Sector rehabilitación sostenible Laborlan 3: Sector cuidados a las personas Laborlan 3: Sector Obra Civil
Laborlan 3: Sector Salvamento y socorrismo Laborlan 3: Sector Agrícola Laborlan 3: Sector Tecnología

Egin klik sektore bakoitzean eta informa zaitez nola parte hartu LaborLan III programan!

 

EMALAN PLUS programak 50 urtetik gorako emakumeei lagunduko die lana bilatzen

  • Programak langabezian edo enplegua hobetzeko egoeran dauden eta Bizkaian erroldatuta dauden eta erantzukizuneko lanpostu kualifikatuetan esperientzia frogatua duten 30 emakume artatuko ditu.
  • Marivi Riolek, DEMAko zuzendari kudeatzaileak, adierazi du plan honen helburua honakoa dela: “pertsona ahulekin lan egitea lan-merkatuan sartzeko, adibidez 50 urtetik gorako emakumeekin, euren une profesionalik onenean egonik ere eragozpen bikoitzari egin behar diotelako aurre, generoarena eta adinarena, erantzukizuneko postuak hartzeko”.

Bilbon, 2022ko martxoaren 9an. Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak, DEMA Enplegu eta Ekintzailetzaren Foru Agentziaren bitartez, 50 urtetik gorako emakume langabeei zuzendutako Laneratze-Laguntza Integraleko Programa jarri du abian.

EMALAN PLUS programak Bizkaian erroldatuta dauden eta langabezian edo enplegua hobetzeko egoeran dauden eta erantzukizuneko lanpostu kualifikatuetan egiaztatutako lan-esperientzia duten 30 emakumeri emango die laguntza. Lanpostu kualifikatu horien artean, besteak beste, edozein espezialitatetako zuzendaritzak, buruzagitzak, erdi-mailako agintariak edo lanpostu teknikoak sartzen dira.

Programak irauten duen 8 hilabeteetan parte-hartzaile bakoitzak enplegu profesionala, integrala eta intentsiboa lortzeko laguntza izango du. Lehenengo ekintzak lan-aktibaziora, trebetasun pertsonalen garapenera eta lan-orientaziora bideratuko dira, banakako eta taldeko aldizkako saioen bidez.

Programaren bigarren faseak enplegua bilatzeko ibilbideetan eta egiten diren hautaketa-prozesuetan jarraipen eta laguntza pertsonalizatua egitea proposatzen du, lan-kontratua itxi arte. Era berean, Bizkaiko enpresen artean eskaintzen diren hautagaitzak aztertuko dira eta horien enpresa-prospekzioa baloratuko da.

DEMAko zuzendari kudeatzaileak, Mariví Riolek, berretsi egin du Enpleguaren eta Ekintzailetzaren Foru Agentziak genero-ikuspegia duten politikak aurrera eramateko duen konpromisoa, hau da, kolektibo kalteberetan enplegua sustatzen dutenak, eta talde horien artean daude adineko emakumeak. “Funtsezkoa da langabeziaren kostu soziala murriztea; izan ere, 50 urtetik gorako emakumeok une profesionalik onenean gaude, aitortu eta baloratu beharreko jakintza eta gaitasunak baitauzkagu”.

Hala ere, Riolek esan duenez, laneratzearen eremuan “emakumeok lan-merkatuan sartzeko bi oztopo ditugu, adina eta emakume izatea bezalako bi baldintzengatik, eta oztopo hori handiagoa da erantzukizun-postuetan”. Horregatik, EMALAN PLUSek proiektu profesional berrietan lan-esperientzia luzea duten emakumeen talentua indartu nahi du.

DEMAK Bizkaiko Enpresarien Konfederazioarekin lankidetzan garatu du programa hau. CEBEKek, bere elkarte sektorialak diren FVEM, AVEQ, CECOBI eta ASCOBI elkarteekin batera, lurralde honetako enpresen lanbide-profilen beharrak ezagutzen ditu eta programa hainbat ekintza dituzten enpresetara hurbilduko du. Programan laneratze-prozesuetan adituak diren aholkularitza-enpresa batzuek ere parte hartzen dute, eta laguntza integrala emango diete parte-hartzaileei.

Langabeziaren profila Bizkaian

Bizkaiker, Bizkaiko Enplegu Behatokiaren datuen arabera, 2021eko abenduan  lurraldean lanik ez zuten pertsonen % 52 iraupen luzeko langabeak ziren, eta horietatik % 59 emakumeak. Gainera, 45 urtetik gorako 10 langabetik 6 emakumeak dira. Ildo horretatik, DEMAko zuzendariak adierazi du “heldutasuna, lan-merkatuan sartzeko balio erantsia izan beharrean, bere esperientziagatik, kontaktuen sareagatik eta abarrengatik, ez dela ezaugarri baliagarritzat hartzen enpresa-sarean, eta egoera hori EMALAN PLUS bezalako programekin irauli behar dugula”.

 

2022ko Sarekin Sarearen Osoko Bilkura egin da

Teresa Laespada plenario Sarekin

Urtero bezalaxe, Sarekin Sareko eragile sustatzaileen osoko bilkura egin zen Bilbon, otsailaren 24an. Bizkaiko ekintzailetzaren inguruko eragileen ekosistema osatzen duen Sarekin Sarea 2018an eratu zen, Bizkaiko Foru Aldundiaren Enplegua, Gizarte Inklusioa eta Berdintasuna Sustatzeko Sailak bultzatuta, eta DEMA Foru Agentziaren eskutik.

Topaketak amaitzear dagoen aldiaren emaitzak ezagutarazteko balio izan zuen, bai eta gaur egungo egoerarekin bat datozen gidalerroak eta helburuak planteatzeko ere, proiektu kolaboratiboari beste bultzada bat eman eta erronka berriei ekin ahal izateko.

Saioari hasiera emateko, Teresa Laespada Enplegua, Gizarte Inklusioa eta Berdintasuna Sustatzeko foru diputatua mintzatu zen, eta, beste behin ere, adierazi zuen konfiantza osoa duela Sarean eta aurrera begira duen etorkizunean. “Bizkaia lurralde ekintzaile bihurtu behar dugu. Ekintzaile eta ekintzaile gehiago behar ditugu. Beste ekimen-eredu bat ere behar dugu. Eta beste enpresa-eredu bat. XXI. mendeko eredu bat. Inpaktuarekin. Ez  hain obsesionatua dibidenduak maximizatzearekin”, gehitu zuen.

Bestalde, Maria Victoria Riol DEMA Foru Agentziako zuzendari kudeatzaileak 2021eko jardueren balantzea egin zuen. Eta pozik agertu zen Sarekin Week Ekintzailetzaren II. Asterako ezarritako helburuak bete zirelako. 2021eko Sarekin Week «Ekin Arimarekin!» lelopean egin zen, eta helburu bat duen ekintzailetza izan zen ardatz nagusia. Astean zehar lortutako emaitzek eta izandako jarraipenak ekitaldia sendotzeko balio izan zuten, eta hortaz, esan daiteke jada erreferentziazko topaketa bat dela ekintzaile komunitatearentzat.

Bestalde, Beatriz Morcillo DEMAko Zerbitzu Orokorren zuzendariak 2022-2023 Ekintza Plana aurkeztu zuen, eta, azaldu zuenez, plan hori aurreko hilabeteetan egindako hausnarketa prozesutik ateratako ondorioetatik eta diagnostikotik abiatuta egin da.

Lan saioa

Jardunaldian, halaber, Antonio González Impact Hub erakundeko CEOak parte hartu zuen. Erakunde horrek prestakuntza eta hausnarketa prozesu bat egin zuen 2021ean, eta prozesu horrek balio izan zuen pandemiak behartuta egindako geldialdiaren ondoren Sarea berriz suspertzeko, eta, eragileen parte hartzearekin, Sarearen etorkizuneko erronkak lantzeko. Prozesu horretatik ateratako ondorioak abiapuntu bat izan ziren Ekintza Plan berriaren ildoak definitzeko, eta saioan, Ekintza Plana eragileen osoko bilkuran aurkeztu zen, adosteko. Horretarako, Impact Hubeko taldeak zuzendutako dinamika kolektibo bat egin zen saioaren amaieran, eta bertaratu guztiek parte hartu zuten, egin beharreko ekintzak xehetasun handiagoz definitzeko eta lehentasunak ezartzeko.

Berrietan bilatu

Archivos