Actualidad DEMA

LABORLAN programa: birgaitze iraunkorraren sektorerako plazak eskuragarri; ahalmen ekonomiko handiko sektorea.

Maiatzaren 13ra arte zabalik dago Birgaitze Iraunkorraren sektoreko plazak betetzeko epea. Sektoreko enpresek profil gaituak behar dituzte etxebizitzak eta eraikinak birgaitzeko lanei ekiteko, energetikoki jasangarriagoak eta eraginkorragoak izan daitezen.

Premia hori, era berean, langabetuek lana arrakasta handiagoarekin bila dezaten aukera bat izan daiteke.

Zentzu horretan, Bizkaiko Eraikitzaile eta Sustatzaileen Elkartearen eskutik (ASCOBI – BIEBA), LABORLAN programak aukera ematen du apiriletik uztailera bitartean emandako 300 orduko ikastaro bat eginez prestatzeko eta lan-kontratuarekin 3 hilabeteko esperientzia profesionala izateko.

Emalan Plus programak lanpostu kualifikatuetan esperientzia duten 50 urtetik gorako emakumeak laneratzen lagunduko du

  • Antzeko ezaugarriak dituen Zubilan Plus programak lan-txertaketari dagokionez % 71rekin itxi du lehen edizioa. 
  • Emalan Plus programa CEBEKekin lankidetzan garatzen da.
  • Susana González: “Talentu seniorrak lehiakortasuna hobetzen du.”

Emalan Plus

Emalan Plus programak zortzi hilabeteko ibilbidea hasiko du; programa honen xedea lanpostu kualifikatuetan esperientzia duten 50 urtetik gorako emakumeak laneratzen laguntzea da.

DEMA, Enplegu eta Ekintzailetzaren Foru Agentziak (Enplegua, Gizarte Inklusioa eta Berdintasuna Sustatzeko Foru Sailari lotuta dagoena) garatzen duen programa da, CEBEK – Bizkaiko Enpresarien Konfederazioarekin lankidetzan. Lankidetza hori Zubilan Plus bezalako antzeko programa batean frogatu zen, parte-hartzaileen % 71 laneratzea lortu zuena.

Gaur goizean topaketa egin da jarduerak Emalan Plusen hasiko dituzten hogeita hamar emakumerekin eta Zubilan Pluseko euren prozesua amaitu duten hainbat pertsonarekin. Topaketa horretan, halaber, Susana González Rómulok, Enpleguko Foru zuzendariak eta Carolina Pérez Toledok, CEBEKeko presidenteak,  parte hartu dute.

Topaketan Laura Rosillok ere parte hartu du, enpleguaren eta adinekoen inguruko gaietan aditua, “Transitar la maudurescencia: construir una nueva etapa profesional” hitzaldiarekin. Ondoren mahai-ingurua egin da programa horietako enpresa aholkulari batekin, Zubilan Pluseko parte-hartzaile batekin eta Euskadiko kimika-enpresen presidentea den Angela Fernandezekin (AVEQ-KIMIKA).

Beste alde batetik, Enpleguko foru zuzendariak adierazi du Bizkaiko langabeen ia % 30 45 urtetik gorako emakumeak direla. “50 urtetik gorako pertsonek oraindik urte asko dituzte egiteko, eta une profesionalik onenean daude, aitortu eta baloratu behar diren jakintza eta gaitasunekin” gaineratu du.

Ildo horretatik, zehaztu du “pertsona horiei trantsizio profesionalean lagundu behar zaiela, trebetasunak eta baliabideak emanez, balioa eta ikusgarritasuna aintzatetsiz eta konfiantza sortuz”.

Gainera, Gonzalez Romulok defendatu du Emalan Plus eta Zubilan Plus enpresa-sektorearekin batera “administrazio publikoek gidatutako berrikuntzaren adibide direla”, laguntza, prestakuntza, hautagai-zerrenden sustapena eta enplegu-bilaketa aktiboa eskaintzen dituzten ibilbide pertsonalizatuen bidez.

Era berean, gaitzetsi egin ditu adinekoek enplegu baterako hautaketa-prozesuetan jasaten dituzten aurreiritziak, eta defendatu du erakunderik onenak talentu, adin eta profil desberdinak dituztenak direla.

Bizkaiko Enpresarien Konfederazioak – CEBEK Programa honetan laguntzen du bere lau elkarte sektorialen eskutik (Bizkaiko Etxegileen eta Higiezin Sustatzaileen Elkartea – ASCOBI/BIEBA, Bizkaiko Merkataritzako Enpresarien Konfederazioa – CECOBI, Metaleko Lantegien Bizkaiko Federakuntza – FVEM eta Bizkaiko Enpresa Kimikoen Elkartea – AVEQ/KIMIKA).

Emalan Plus

EmpleArtek sormen artistikoa erabiliko du langabezian dauden iraupen luzeko migratzaileek beren lan-bilaketa berraktibatzeko

Aurre-inskripzioa maiatzaren 5era arte egongo da zabalik programaren webgunean. “EmpleArte” programaren berrikuntza hainbat diziplina artistikotako teknika eta prozesu sortzaileak erabiltzean datza, langabezian dauden pertsonak motibatzeko, pertsona horien hazkunde pertsonala sustatzeko eta, hortik abiatuta, lan-merkatu berrian euren enplegu-bilaketa suspertzeko. DEMAK, Enplegu eta Ekintzailetzaren Foru Agentziak, eta Europako Gizarte Funtsak (POISES – 6. lehentasunezko ardatza programa operatiboaren barruan) finantzatutako proiektua da eta Santa María La Real Fundazioak bultzatzen eta kudeatzen du. Iraupen luzeko langabezian dauden 18 eta 60 urte bitarteko migratzaileek parte hartu ahal izango dute. Astean hiru egunetan saio presentzial eta birtualetara joango dira eta espezialisten laguntza izango dute euren prospekzioa hobetzeko eta gizarteratzea sustatzeko.

EmpleArte

Emplearte programak hainbat diziplina artistikotako sormen-teknikak eta -prozesuak erabiliko ditu iraupen luzeko langabezian dauden migratzaileak motibatzeko, pertsona horien hazkunde pertsonala sustatzeko eta, hortik abiatuta, lan-merkatu berrian euren enplegu-bilaketa suspertzeko.

Izen-ematea maiatzaren 5era arte egongo da zabalik programaren webgunean. Jarduera maiatza eta uztaila bitartean egingo da.

Proiektua DEMAK, Enplegu eta Ekintzailetzaren Foru Agentziak, eta Europako Gizarte Funtsak (POISES – 6. lehentasunezko ardatza programa operatiboaren barruan) finantzatuta dago eta Santa María La Real Fundazioak bultzatzen eta kudeatzen du.

Epe luzeko langabezian dauden 18 eta 60 urte bitarteko migratzaileek hartu ahal izango dute parte. Astean hiru egunetan saio presentzial eta birtualetara joango dira, eta espezialisten laguntza izango dute euren prospekzioa hobetzeko eta gizarteratzea sustatzeko.

“EmpleArte” 18 eta 60 urte bitarteko iraupen luzeko langabezian dauden gizon eta emakume migratzaileentzat izango da. Erkidegoko eta Erkidegotik kanpoko migratzaileak izan daitezke; bi kasuetan AIZ eta lan-baimena izan beharko dute. Edozein ikasketa-maila izan dezakete (DBH, Batxilergoa, Lanbide Heziketa, unibertsitate-graduak, etab.) eta edozein lan-sektoretatik edo lanbide-sektoretatik etor daitezke.

Teresa Laespadak, Enplegua, Gizarte Inklusioa eta Berdintasuna Sustatzeko foru diputatuak, adierazi duenez, “berritzea beharrezkoa da baita enplegurako politika aktiboetan ere. Gauzak egiteko modu berriak bilatu behar ditugu, gauza bera eginez emaitzak ez direlako aldatzen”.

“Enpleguarekin konprometituta gaude. Gure gobernu-lehentasuna da. Enplegua aurkitzeko lanean, langabeak ez daude bakarrik. Berdintasuna, elkartasuna eta justizia soziala bermatzen dituzten politika publikoekin laguntzen diegu”.

Beste alde batetik, Santa María la Real Fundazioko Enplegu Arloko zuzendariak adierazi duenez “iraupen luzeko langabeziak gogor kolpatzen ditu kolektibo ahulenak, migratzaileen kasuan bezala”. “Horrez gain, denboran zehar luzatzen da, gogorik eza, bakardadea edo motibaziorik eza sortuz. Artearen bidezko esku-hartze soziala pertsona horiek suspertzeko eta enplegua bilatzeko estrategia hobetzeko tresna baliagarria dela frogatu da”, gaineratu du.

Santa María la Real Fundazioak 2021ean hasi zuen “EmpleArte”, iraupen luzeko langabezian dauden pertsonen enplegagarritasuna hobetzeko, kalteberatasun edo bazterkeria-arrisku handieneko kolektiboei arreta berezia eskainiz.

Ikerketa eta gizarte-berrikuntza

“EmpleArte” programaren lehen fasea joan den ekitaldian garatu zen, eta iraupen luzeko langabeziak eragiten dituen ondorio psikosozialei buruzko ikerketa soziala egitea izan zen. Lortutako emaitzekin Fundazioak esku-hartze sozialeko metodologia berriak diseinatu ditu, antzemandako beharrei erantzunez eta hainbat diziplina artistikotako sormen-prozesuak erabiliz (dantza, musika, antzerkia, zirkua eta clowna, pintura, sormenezko idazketa, argazkigintza eta bideoa, etab.), pertsonak motibatzeko eta haien hazkunde pertsonala eta ahalduntzea bultzatzeko; eta, hortik abiatuta, enplegua bilatzeko estrategia berria planteatzea, egungo lan-merkatura egokitua: globala eta etengabe aldatzen ari dena, sektore profesional guztien malgutasuna eta eraldaketa digitala eskatzen dituena.

2022an proiektuak 12 proiektu pilotu garatzen jarraituko du Bilbon eta kanpoko beste bost hiritan: Albacete, Cáceres, Fuenlabrada, Pontevedra eta Tenerife.

Plan metodologikoa

Parte-hartzaileek Santa María la Real Fundazioko espezialisten laguntza eta aholkularitza izango dute hiru hilabetez egungo lan-merkatuan lana bilatzeko plan integrala bultzatzeko. Astean hiru egunetan, goizeko ordutegian, lan-orientazioko jarduerak garatzeko bilera presentzial eta/edo birtualetara joango dira, lana bilatzeko estrategia berraktibatzeko. Saio horiei esker zeharkako gaitasunak eta trebetasun digitalak indartzeko, posizionamendua hobetzeko eta gizarteratzea sustatzeko aukera izango dute.

Kasu honetan antzerkiaren teknikak erabiliko dira euren sormena indartzeko, enplegua aktiboki bilatzeko tresna berriak emateko eta zeharkako gaitasunak garatzeko, hala nola komunikazioa eta adierazpena, gaur egungo merkatuan enplegua bilatzeko hain beharrezkoak direnak.

“Programak lan-merkatu nazionala ezagutzen eta lanbide-profil bakoitzaren kualifikazio-beharrak identifikatzen lagunduko die, edo ikasketak eta/edo esperientzia homologatzen. Gainera, Fundaziotik azaldu dutenez, dauden kolektiboak, erakundeak eta laguntza-sareak ezagutzeko aukera emango du.

Berrietan bilatu

Archivos