Ostalaritza

LABORLAN Programa

Ostalaritza sektorekoaren langile eskaera handia dela eta, Larborlan Proiektuak eskaintzen du sektorean espezializatutako prestakuntza-enplegu programa bat 18 lagunentzat.

Barra/aretoko zerbitzari profesionala, pisu/gelako mikro kredentzialarekin
IZENA EMAN NAHI DUT LABORLAN
OSTALARITZA PROGRAMAN

LAN BILA NABIL

sektoreak

Nork kolaboratzen du?

Programa hau sortu da elkarlanean Euskadiko Elikadura Klusterra Enpresa Elkartearekin (BASQUE FOOD CLUSTER), sektorean ordezkaritza handiena duen Bizkaiko erakundea, funtsezkoa sektorearen premiak detektatzeko eta profil eta gaitasun profesionalen eskaera eta eskaintza egokitzen laguntzeko.

Zeintzuk dira helburuak?

  1. Pertsonen enplegagarritasuna hobetzea, bultzada emateko enplegutik eta enpleguranzko haien trantsizioei, haien garapen pertsonalari eta sustapen profesionalari.
  2. Enpresen lehiakortasuna hobetzea, gaitasun profesionalak egokituta merkatuaren egungo eta etorkizuneko premietara.

Zeintzuk dira parte hartzeko baldintzak?

Ez da beharrezkoa sektorea ezagutzea, baina bai gogoa izatea sektorean lanbide bati ekiteko, baldintza hauek beteta:

  • Langabezian egotea, edo izena emanda enplegua hobetzeko prozesuetan.
  • Adinez nagusia izatea.
  • Bizkaian erroldatuta egotea.
  • Oinarrizko formakuntza izatea.
  • Lan baimena edukitzea, hala badagokio.

Kontuan hartuko da:

  • Sektorean eskarmentua izatea.
  • Lanaldi zatituan, txandaka eta jaiegunetan lan egiteko prestasuna.
  • B gidabaimena edukitzea.

Kolektibo hauek izango dute lehentasuna:

  • Emakumeek
  • Iraupen luzeko langabeek (12 hilabetetik gora).
  • 45 urtetik gorako langabeek.
  • Gazte langabeek (30 urte arte).

Zein da izena emateko epea?

Epea amaituko da 2023/03/20an.

Nola emango dut izena?

Izena emateko eskaera telematikoki egingo da, curriculuma erantsita.

IZENA EMAN NAHI DUT LABORLAN
OSTALARITZA PROGRAMAN

Zertan datza prestakuntza?

  • Datak: prestakuntza emango da 2023ko apiriletik ekainera, 4 ordu egunean.
  • Lekua: Bilbo
  • Gaiak:
    • Barra/aretoko zerbitzari profesionala izateko prestakuntza teoriko-praktikoa (140 h).
      • Arau eta baldintza higieniko-sanitarioak jatetxeetan. Elikagaien manipulazioa.
      • Zerbitzu aurrekoa, elikagai eta edarien oinarrizko zerbitzua eta zerbitzu ondokoa jatetxean.
      • Elikagaien eta edarien hornidura eta biltegiratzea.
      • Edariak eta janari lasterrak prestatzea eta zerbitzatzea barran, koktelak, urdaiazpiko mozketa, ardo dastatzea eta uztartzeak.
      • Aholkuak bezeroari.
    • Pisu/gelako zerbitzari profesionala izateko prestakuntza teoriko-praktikoa (40 h).
      • Officea hornitzea eta antolatzea hotel eta alojamenduetan.
      • Pisuen eta eremu komunen garbiketa eta prestaketa hotel eta alojamenduetan, eta gelen mantentze-lana estandar teknikoen bidez. Kalte eta matxuren berri ematea eta establezimenduan ahaztutako objektuak kudeatzea.
      • Bezeroaren arreta, arropa garbitzea, lisatzea eta konpontzea, hotel eta alojamenduetan.
    • Zeharkako gaitasunen modulua: gaitasun digitalak eta lan orientazioa eta aktibazioa (40 h).

Zertan datza enpresako lanbide esperientziaren fasea?

Programaren bigarren fasea izango da praktika profesional bat, lan kontratu baten bidez Bizkaian kokatutako sektoreko enpresetan, ikasitakoa praktikan jartzeko eta benetako lan esperientzia izateko.

  • Datak: prestakuntzaldia amaitzean zehaztuko dira.
  • Lekua: Bizkaia
  • Kontratuaren iraupena: gutxienez 3 hilabetekoa.

Informazio gehiago

LABORLAN - OSTALARITZA ETA HOTELERITZA: OINARRIAK
Erakunde laguntzailea
Asociación Empresarial Cluster de Alimentación de Euskadi (BASQUE FOOD CLUSTER)