Actualidad DEMA

Zubilan Plus programak zuzendaritza-profila duten 45 urtetik gorako 24 pertsonari laguntzen die enpleguan

Carolina Pérez Toledo (CEBEKeko presidentea) eta Teresa Laespada (Enplegua, Gizarte Inklusioa eta Berdintasuna Sustatzeko foru diputatua)

Teresa Laespada, Enplegua, Gizarte Inklusioa eta Berdintasuna Sustatzeko foru diputatua, eta Carolina Pérez Toledo, CEBEKeko presidentea,  izan dira buru programa honen jardueraren irekiera-jardunaldian.

DEMA – Enplegu eta Ekintzailetzaren Foru Agentziak jarri du abian lankidetza publiko-pribatuko programa hau.

Programa CEBEK, Bizkaiko Enpresarien Konfederazioarekin eta bere sektorialak diren FVEM, AVEQ, CECOBI eta ASCOBIrekin  jarri da abian.

Laespada: “Aniztasuna aukera leihoa da”

DEMA – Enplegu eta Ekintzailetzaren Foru Agentziak  Zubilan Plus jarri du abian, Enplegua, Gizarte Inklusioa eta Berdintasuna Sustatzeko Sailak  sustatzen eta finantzatzen duen programa pilotua. Programa honen helburua zuzendaritza-profilak dituzten 45 urtetik gorako 24 langaberi laneratzeko laguntza integrala ematea da. 

Teresa Laespada, Enplegua, Gizarte Inklusioa eta Berdintasuna Sustatzeko foru diputatua, eta Carolina Pérez Toledo, CEBEKeko presidentea,  izan dira astelehen honetan Bilboko Euskalduna Jauregian egin den programari hasiera emateko jardunaldiko buruak.

Egitarauak bederatzi hilabeteko iraupena izango du eta 2022ko apirilera arte iraungo du.  Programa hilabete honetan hasi da maila ofizialean, ekitaldi presentzial honekin; ekitaldi honetan erakundeetako eta enpresetako sustatzaile nagusiek hartu dute parte, baita parte-hartzaileek ere.

Laespada diputatuak nabarmendu du asmoa daukala Bizkaian senior talentuaren garrantzia ikusarazteko, eta lan-merkatuan duen lekua eta gauzatu gabe ditugun erronka eta trantsizioei egiten dien ekarpena aldarrikatzeko. 

Haren esanetan, inork ez du adinkeriako praktikarik aitortzen, inork ez du adinagatik aurrejuzgatzen edo diskriminatzen denik aitortzen. Inork ez. Hala ere, konturatuta edo konturatu gabe, hautaketa-prozesu gutxi gainditzen dituzte berrogeita hamar urtetik gorako profesionalek. Eta justizia kontua da. Baita adimen kontua ere. Izan ere, aniztasuna aukera-leihoa da edozein erakundetan: baita enpresetan ere. Aktibo bat da, balio bat. Horrez gain, gehitu du geroago partaide izango zaituzten mahai-inguruan senior talentua ez baztertzeko mila arrazoi baino gehiago azalduko direla. 

Gainera, azpimarratu du lan-indarra pluralagoa dela maila guztietan, bai adinari eta generoari dagokienez, baita jatorriari, esperientziari, kulturari, ikuspuntuei eta balioei dagokienez ere.

CEBEK
Bestalde, CEBEKeko presidenteak ohartarazi du, zorionez, 50 urtetik gorako pertsonek Euskadin COVIDaren aurreko enplegu-maila berreskuratu duten arren, ezin dugula inor atzean utzi.

Beraren ustez, enpresa belaunaldien arteko topagune bat da. Enpresa bakoitzaren barruan esperientziak eta gaztetasunak elkarrekin bizi behar dute eta elkar elikatu behar dute talentua eta sormena sortuz. Halaber, gehitu du enpresa-erakundeetatik eta Alduntitik zein DEMAtik senior talentua duten pertsonen aintzatespena sustatu nahi dutela.

Horrez gain, Pérez Toledok adierazi du heldutasun profesionala ekarpen bat dela, izan ere, adinak balio erantsia ematen du, besteak beste, esperientziari, heldutasun profesional eta pertsonalari, kontaktu-sareari, enpresen ezagutzari dagokienez.

Laespada eta Pérez Toledorekin batera, Elena Cascantek, Generación y Talento Generacciona Behatokiko bazkide-zuzendariak hartu du parte ekitaldian. Cascante andreak zuzendariek lantaldeen kudeaketa eraginkorrari eta enpresako antolaketa-erronka berriei dagokienez dituzten portaerei buruzko hitzaldia eskaini du.

Mahai-inguru batek osatu du ponentzia eta Cascantek berak saioko aholkularietako batekin (Maria Erkoreka), CEBEKeko idazkari nagusiaren ondokoarekin (Gonzalo Salcedo), María Seidedos ekintzailearekin eta Zubilan Plusen parte hartzen duten pertsonetako batekin eztabaidatu du.

Estatistikek erakusten dutenez heldutasun profesionalean sartzea, lan-merkatura erraz itzultzen laguntzen duen aktiboa izan beharrean, galga bat da. Paradoxikoki, adinak esperientziari, heldutasun profesional eta pertsonalari, kontaktu-sareari, enpresa-ehunari eta abarri dagokienez ematen duen balio erantsia ez da bereziki baliagarritzat jotzen enpresa-ehunean. Euskadin, zehatzago esanda, langabeziaren kostu sozialaren % 90 bi urte baino gehiago langabezian daramaten 45 urtetik gorako pertsonek osatzen dute, eta % 45 hezkuntza-profil ertain-altuei dagokie, Laespada diputatuak aurkeztu berri duen Bizkaiko Foru Aldundiaren 2020-2023 Enplegu Planaren arabera.

Programa honek trebetasun eta gaitasunei buruzko prestakuntza jasotzen hasi diren pertsonak prestatzeko behar diren tresnak emango ditu, enplegua bilatzeko ibilbide pertsonalizatuak diseinatzeko eta gauzatzeko. Programak banakako eta taldekako saioak eskaintzen ditu.

Bai foru-agentziak bai Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak lankidetza publiko-pribatuaren aldeko apustu irmoa egiten dute enplegu-politika aktiboetan. Oraingo honetan programa Bizkaiko enpresa-sareko eragilerik adierazgarriena den CEBEK – Bizkaiko Enpresarien Konfederazioarekin jarri da martxan, bai eta bere sektorialak diren FVEM, AVEQ, CECOBI eta ASCOBIrekin  ere. Sektoreetako bere elkarteekin batera, CEBEKek ezin hobeto ezagutzen ditu enpresek Bizkaiko lurraldean dituzten profil profesionalen beharrak.

Halaber, Zubilan Plusen parte hartzen dute profilak laneratzeko prozesuetan adituak diren aholkularitza-enpresek. Aholkularitza-enpresa horiek, udan hautatu ziren 24 parte-hartzaileentzat diseinatutako laguntzarekin batera, orientazio-teknikak, coachinga, helburu profesionalen plangintza, lana bilatzeko ibilbide baten hedapena edo elkarrizketetan trebatzea garatuko dituzte. Azken helburua: langabezian dauden eta zuzendaritza-profila duten 45 urtetik gorako pertsonei laguntza integrala ematea. Betiere emakumeen kolektiboa, iraupen luzeko langabeak eta, zehatzago, 55 urtetik gorakoak ahaztu gabe, horiei ere arreta espezifikoa eman nahi baitzaie.

Ireki da epea enplegu anezka berrietan behin-behinekoz izena emateko: 75 pertsonek hartuko dute parte

  • Enplegua, Gizarte Inklusioa eta Berdintasuna Sustatzeko Sailak 2016. urteaz gero 36 enplegu anezka gauzatu ditu DEMA Foru Agentziaren bitartez.
  • Pandemia gorabehera, anezketako parte-hartzaileen laneratze-maila % 60tik gorakoa izan da; gehienak emakumeak izan dira.
  • Laespada: “Pertsonengan sinestea da politika publikoek egin dezaketen inbertsiorik onena”

DEMA-Enplegu eta Ekintzailetza Foru Agentziak Bizkaian abian jarriko dituen enplegu anezka berrietan aurreinskripzioa egiteko epea ireki da urriaren 12ra arte, langabezian edo enplegua hobetzeko prozesuan dauden 75 pertsona hautatzeko helburuarekin.  Foru programa honek % 60tik gorako laneratze-maila lortu du, eta langabezian dauden pertsonen artean lana bilatzeko prozesua eraginkorragoa izateko beharrezko trebakuntza sustatu nahi du.

Anezka bakoitza gehienez 15 pertsonek osatzen dute. Lanbiden izena emanda daude eta langabezian edo lana hobetzeko prozesuan daude. Astean hiru saio egiten dira: aurrez aurreko bi saio (lau ordukoak) eta saio bat online (bi ordu eta erdikoa). Lau hilabetetan zehar partaideek talde heterogeneoak osatuko dituzte, gaitasunak eta jarrerak hobetzeko, besteren kontura zein norberaren kontura enplegua lortzeko.

Bizkaiko Foru Aldundiko Enplegua, Gizarteratzea eta Berdintasuna Sustatzeko Sailak ANEZKA-Enplegu Anezka programak aurrera jarraitzen du DEMA-Enplegu eta Ekintzailetza Foru Agentziaren bitartez. Guztira 36 egin dira 2016an abian jarri zenetik. Guztira, 701 partaide izan dira (453 emakume eta 248 gizon), eta laneratzeak guztira % 60,77 izan dira (426 partaide: 277 emakume eta 149 gizon).

Teresa Laespada Enplegua, Gizarte Inklusioa eta Berdintasuna Sustatzeko foru diputatuak gogorarazi du programa honen aldeko apustua joan den legealdian egin zela eta “datuei erreparatuz” arrakastatsua suertatu dela, baina, gainera, gizakiaren  ikuspegitik, “hobetu dutenen eta lan-merkatura bueltatu direnen hainbat historia daude”. “Pertsonengan sinestea da politika publikoetatik egin dezakegun inbertsiorik onena”, erantsi du Laespadak.

Aurreinskripzioa egiteko interesa duen edonork informazioa eskuragarri izango du DEMAren webgunean (www.dema.eus/anezka) edo 94 418 90 55 telefonoan. Aurreinskripzioa aurkezteko epea, aipatu bezala, urriaren 12a da. Anezka berrien iraupena lau hilabetekoa izango da, 2021eko urriaren 24tik 2022ko otsailaren 24ra arte (erreferentzia gisa hartutako datak dira).

Anezka-Enplegu Anezka programa Demaren eta Enpleguaren Foru Sailaren arteko lankidetzaren emaitza da (Santa Maria la Real fundazioarekin) eta honako hau eskaintzen die partaideei:

  • Taldeko saioak, prestakuntza-pilula, taldeko dinamika eta taldean egindako lanaren bidez enplegagarritasuna hobetzeko.
  • Anezkako koordinatzailearekin banako saioak izateko aukera.
  • Enpresekin harremana eta giza baliabideetako arduradunekin saioak.
  • Enplegua bilatzearekin zuzeneko harremana duten gaietan adituen tailerrak.
  • Ekintzailetza-tailerrak eta ekintzailetzarako ibilbide praktikoa negozio-ideia duten pertsonentzat.

IZENA EMAN

Anezken amaierako “on line” topaketa

Ekainaren 22an, 23an eta 24an networking birtuala egingo da, anezketan parte hartu duten eta langabezian dauden pertsonak beren lanbide-intereseko enpresekin harremanetan jartze aldera.

  • Pandemia gorabehera, azken hiru anezketan parte hartu duten pertsonen laneratze-maila % 60 ingurukoa izatea espero da.

  • Laespada: “Programa honek tresna erabilgarriak eskaintzen ditu lana aurkitzeko, eta pertsonak ahalduntzeko”

2020az geroztik bizi izan dugun pandemiak zailago jarri du enplegu-anezken eta ekintzailetza-anezken lana. Programa horren bidez, parte-hartzaileen enplegagarritasuna hobetu nahi da, adituen tailerren eta lan-saioen bitartez, online eta aurrez aurre, enplegua bilatzen duten pertsonentzat xedaturik. Hala ere, orain arte erdietsi diren emaitzek adierazten dutenaren arabera, zailtasun horiek ez dituzte Enplegu eta Ekintzailetza Foru Agentziak (DEMA) Santa María la Real Fundazioarekin lankide jardunik egiten duen programaren emaitza onak arinduko: joerari jarraituz gero, laneratze-mailak % 60 ingurukoak izango dira, Covid-19ren eragina gorabehera.

Joan den martxoaren 1ean hasitako lanak ekainean itxiko dituzten hiru anezkekin –bi Bilbon eta bat ezkerraldean– 36 anezka jarri dira abian 2016an programa hasi zenetik. Guztira, 701 parte-hartzaile izan dira (453 emakume eta 248 gizon).

Pandemiak berak eta Covid-19k oraindik ezarri dituen murrizketek ez dute ahalbidetzen azken urteotan egin izan den topaketa presentziala egitea, baina Enplegu eta Ekintzailetza Foru Agentziak ‘networking’ saio bat antolatu du formatu birtualean ekainaren 22, 23 eta 24rako.

9 enpresak parte hartzen dute

“On line” topaketa honen helburu nagusia da Anezka (Enplegu eta Ekintzailetza Anezkak) programan parte hartzen duten pertsonak beren lanbide-intereseko enpresekin harremanetan jartzea, pertsona horien enplegu-bilaketa bultzatze aldera. Printzipioz, networkingaren hiru egunetan zehar, parte hartzen duten enpresen ordezkariek (9 guztira) euren sinaduren aurkezpena egiteko asmoa dute. Ondoren, lan-elkarrizketak egingo dira interesdunekin.

Networkingaren hasiera egunean, ekainaren 22an, Enplegua, Gizarte Inklusioa eta Berdintasuna bultzatzeko Saileko ordezkariek, DEMA taldeko ordezkariek eta anezka bakoitzeko ordezkari batek hitz egingo dute, eta aurkezpen labur bat egingo dute. Ondorik, parte-hartzaileen eta enpresen arteko topaketak egingo dira. Parte-hartzaileen eta enpresen arteko topaketen formatua hilaren 23an eta 24an errepikatuko da.

Teresa Laespada Enplegua, Gizarte Inklusioa eta Berdintasuna sustatzeko foru diputatuak adierazi duenez, anezkak pertsonen enplegagarritasuna hobetzeko tresna baliagarriak dira. “Programa honek lana aurkitzeko eta pertsonak ahalduntzeko tresna erabilgarriak eskaintzen ditu”.

Anezka programa (Enplegu eta Ekintzailetza anezkak) 2016an hasi zen, Santa Maria la Real Fundazioarekin elkarlanean. Anezkak lana bilatzen duten profil desberdinetako pertsona-taldeak dira, profesional batek dinamizatzen ditu eta bilaketa hori modu eraginkorragoan egiteko ekintzak garatzen dituzten lantoki batean kokatzen dira. Ordutik aurrera, horietan parte hartu duten pertsonen laneratze-maila % 60 ingurukoa izan da.

 

Laespada Lanzadera Bilbao DEMA

Abian da Laborlan enplegu-prestakuntza programaren bigarren edizioa, 111 pertsona biltzen dituena

TERESA LAESPADA LABORLAN II DEMA

Teresa Laespada: Enplegua, Gizarte Inklusioa eta Berdintasuna Sustatzeko Foru Diputatua.

 

  • Guztira 73 pertsonak izan dute kontratudun lan-esperientzia bat programaren lehen edizioan, eta, ondoren, 23k lortu dituzte kontratuak Laborlanetik harago.
  • Bigarren edizioak lau hilabetera arteko lanaldi osoko lan-esperientzia izango du sei sektore ekonomikoko enpresetan.
  • Teresa Laespada: “Enpresei estu lotutako programa egin nahi genuen, sorteen ziren unetik bertatik.  Programa pertsonalizatua, neurrira egina, garien eta denboren arabera doitua.  Beharrak enpresen arazo, proiektu, aldaketa eta bilakaeran sortzen direlako”.

Bizkaiko Foru Aldundiko Enplegu eta Ekintzailetzaren Foru Agentziak (DEMA) sustatutako LaborLan enplegu eta prestakuntzarako programa mistoaren bigarren edizioa abian jarri da aurten sei sektore berrietan prestakuntza- eta lan-esperientzia garatuko duten 111 pertsona aukeratuta.

Programaren edizio berri honetan, Enplegua, Gizarte Inklusioa eta Berdintasuna Sustatzeko Foru Sailari lotutako agentzia honek hautatutako sei sektoreak honako hauek dira: Nekazaritza, Bioosasuna, Eraikuntza, Zaintzen Ekonomia, Basogintza, Galdaketa eta Metala.  Parte hartzen duten enpresek (guztiak Bizkaian kokatuak) konpromisoa hartzen dute programa honetan esku hartzen duten ehun pertsona luzeri lan-esperientzia bat —gehienak programak berak finantzatutako kontratuarekin— eta tutore baten figura duen laguntza eskaintzeko.

Laborlanen bigarren edizio honetarako hautatutako 111 pertsonek parte hartu dute gaur goizean izandako topaketa batean; ekitaldi horretan parte hartu duten beste eragileak honakoak izan dira: Enplegua, Gizarte Inklusioa eta Berdintasuna Sustatzeko Foru Saileko diputatu Teresa Laespada, Urdaiabaiko ekintzaile eta arraunlari ohi Eneko van Hoerenbeke (Conquistador del Fin del Mundo saioaren 2005eko lehen edizioaren irabazlea), enpresa eta erakunde laguntzaileak, eta DEMAko zuzendari kudeatzaile Mariví Riol.

Laespada diputatuak adierazi duenez, Laborlanen lehen edizioa pandemiaren urtean jarri zen martxan, “Tsunamiaren erdian”, eta 112 pertsonari lagundu zien, besteak beste, psikologian, fabrikazio mekanikoan, gozogintzan, programazioan eta garraioan.

“Enpresei estu lotutako programa egin nahi genuen, sorteen ziren unetik bertatik.   Programa pertsonalizatua, neurrira egina, garien eta denboren arabera doitua.  Beharrak enpresen arazo, proiektu, aldaketa eta bilakaeran sortzen direlako.  Programa misto bat, prestakuntza eta lanbide-esperientzia dituena, iraupen aldakorreko lan-kontratu baten bidez.  Ekintzara bideratua. Praktikoa. Eta tutoreen laguntzaz ibilbide osoan”, azaldu du.

Ildo horretan, pandemiaren oztopoak eta uholdeak gorabehera, “73 pertsonak bi eta hiru hilabete arteko esperientzia profesionalak izan zituzten lanaldi partzialean 56 enpresatan”, eta horietatik 23k, gutxienez, kontratazio berriak lortu dituzte Laborlandik harago.

Laespadak gaineratu duenez, Laborlanek “langabeei laguntzen die modu integralean”.  “Ez da enplegu programa bat gehiago, prestakuntza, amaierara arteko laguntza, lan-kontratu baten bidezko esperientzia profesionala eta enpresetara hurbiltzea eskaintzen dituen programa bat baita”, azpimarratu du.

KONTRATUDUN LAN-ESPERIENTZIA

Lan-esperientzia lanaldi osoko aldi baterako lan-kontratu baten bidez gauzatuko da, gehienez ere lau hilabetez.  Kontratuak 2021eko urriaren 31ra arte iraungo du, gehienez ere. Programa Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak finantzatzen du; 1.335.000 euro guztira.

PANEL 2 LABORLAN II DEMA

José Luis Fuente, Iñaki Urresti, Mertxe Arribas, Karmele Acedo, Patricia Gutiérrez e Iñigo Bilbao.

 

Laborlanen bigarren edizio hau sei sektoretan banatuta dago: Nekazaritza, Bioosasuna, Eraikuntza, Pertsonen Zaintzen Ekonomia, Galdaketa eta Metala.

  • Nekazaritza-sektorean Euskadiko Baserritar Profesionalen Nekazaritza Erakundearekin (ENBA) lankidetzan egin da, erakunde horrek baitu ordezkaritza handiena nekazaritza-sektorean Bizkaian. Guztira 29 lagunek hartuko dute parte.
  • Bioosasunaren sektorean Euskal Autonomia Erkidegoko Osasunerako Zientzia eta Teknologiako Enpresen Klusterrarekin egin da (Basque Health Cluster), gure lurraldean biozientzien eta osasunaren sektorean ordezkaritza handiena duen erakundea baita. Guztira 15 lagunek hartuko dute parte.
  • Eraikuntzaren sektorean enplegu-prestakuntzako programa bat sustatu da Bizkaiko Etxegile Sustatzaileen bazkunarekin (ASCOBI-BIEBA) lankidetzan. Guztira 20 lagunek hartuko dute parte.
  • Pertsonak Zaintzeko Ekonomiaren sektorean aurrera eraman da Gizarte Zerbitzu Integratuak kooperatiba-sozietatearen lankidetzarekin. Talde horrek gizarte-ekimeneko eta onura publikoko enpresak (SSI) biltzen ditu, sektore horretan Bizkaian ordezkaritza handiena duen erakundea baita. Guztira 20 lagunek hartuko dute parte.
  • Galdaketaren sektorean Euskal Autonomia Erkidegoko eta Nafarroako galtzaileen Elkartearekin (AFV) koordinatu da, gure lurraldean sektorean ordezkaritza handiena duen erakundea baita. Guztira 12 lagunek hartuko dute parte.
  • Azkenik, 45 urtetik gorakoentzako metalaren sektorean (espezialitate industriala, elektronikoa eta aeronautikoa) Urbegi Inserción erakundearekin (Urbegi) lankidetzan sustatu da. Irabazi asmorik gabeko erakunde horren helburua da Bizkaian laneratzeko zailtasun bereziak dituzten pertsonak sustatzea. Guztira 15 lagunek hartuko dute parte.
PANEL LABORLAN II DEMA

Asier Albisu, Víctor Maté, María Pascual, Javier Larrañaga, José Ignacio de la Peña y Marcial Alzaga.

 

Enplegu- eta prestakuntza-programa misto honetan parte hartu duten erakunde guztiak funtsezko eragileak dira beren sektoreen beharrak hautemateko eta, batez ere, lanbide-profilen eta -gaitasunen eskaintzaren eta eskariaren arteko doikuntza errazteko.

 

 

Hasi da 111 parte-hartzaile berrientzako LaborLan enplegu-prestakuntza programaren bigarren edizioa

  • Guztira 73 pertsonak izan dute lan-esperientzia programaren lehen edizioan
  • Sei sektore ekonomiko berrietako enpresetako lan-esperientzia lanaldi osoko aldi baterako lan-kontratu baten bidez gauzatuko da, gehienez ere lau hilabetez.
  • Bilboko Azkuna Zentroan egingo den ekitaldi batean, sei erakunde laguntzaileetako ordezkariek eta nekazaritza, bioosasuna, eraikuntza, zainketa-ekonomia, galdaketa eta metal arloko sei enpresatako ordezkariek hartuko dute parte.
  • Teresa Laespada: “LaborLan programak langabeei laguntzen die modu integralean”.

Bizkaiko Foru Aldundiko Enplegu eta Ekintzailetzaren Foru Agentziak (DEMA) sustatutako LaborLan enplegu eta prestakuntzarako programa mistoaren bigarren edizioa abian jarri da aurten sei sektore berrietan prestakuntza- eta lan-esperientzia garatuko duten 111 pertsona aukeratuta.

Kasu honetan, foru agentziak aukeratutako sei sektoreak (langabezian dauden pertsonentzako enplegu eta prestakuntza programa mistoa), honako hauek dira:  Nekazaritza, Bioosasuna, Eraikuntza, Zainketa Ekonomia, Basogintza, galdaketa eta Metala.

Astelehen honetan, apirilaren 26an, Azkuna Zentroan egingo den ekitaldi batean –DEMA foru-agentziak antolatua–, LaborLan programa misto eta integralaren edizio berriko enpresa eta erakunde laguntzaileek bi mahai-ingurutan azalduko dituzte prestakuntza eta enplegua uztartzen dituen esperientzia batekin bat egiteko arrazoiak, sektore bakoitzaren errealitatea, enpresak eta haien beharrak ezagutzen dituzten sei erakunde laguntzaileen eskutik. Bestalde, parte hartzen duten enpresak, guztiak Bizkaikoak, tutore gisa arituko dira, eta guztiek ere lan-esperientzia bat eskainiko diete pertsona horiei kontratu osoan zehar.

arranque laborlan ii

Ekitaldian Eneko van Hoerenbeke Urdaiabaiko ekintzaile eta arraunlari ohiak parte hartuko du (2005ean El Conquistador del Fin del Mundo saioaren lehen edizioa irabazi zuena). Ekitaldia Mariví Riol DEMAko zuzendari gerenteak aurkeztuko du, eta Teresa Laespada andreak, Enplegua, Gizarte Inklusioa eta Berdintasuna Sustatzeko diputatuak, hasiera ofiziala emango dio.

Foru programak zuzkidura ekonomiko bat ematen die enpresei, eta horrek estaltzen ditu soldata kostu gehienak, %75eraino sektore gehienetan.

Lan-esperientzia lanaldi osoko aldi baterako lan-kontratu batekin gauzatuko da, gehienez ere lau hilabetez.  Kontratuak 2021eko urriaren 31ra arte iraungo du, gehienez ere.

Programa Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak finantzatzen du, 1.335.000 euro guztira.

Iaz hasi zen LaborLan I programa Covid-19aren pandemia betean, eta sei sektore eta/edo lanbide hartu zituen guztira:  Gozogintza, Psikologia, Programazioa, Industria Fabrikazioa, Autobuseko Gidaria eta Fabrikazio Mekanikoa-Soldadura. Guztira 73 pertsonak izan dute lan-esperientzia programaren lehen edizioan.

Teresa Laespada Enplegua, Gizarte Inklusioa eta Berdintasuna Sustatzeko diputatuak enpresetan eta langabeen artean sortutako itxaropenak azpimarratu ditu, eta LaborLanek “langabeei laguntza osoa” ematen diela azpimarratu du.  “Ez da enplegu programa bat gehiago, prestakuntza, amaierara arteko laguntza, lan-kontratu baten bidezko esperientzia profesionala eta enpresetara hurbiltzea eskaintzen dituen programa bat baita”, gaineratu du.

Gainera, azaldu duenez, eskulana behar duten sektoreetan egingo da, enpresa munduarekin batera egindako azterketa eta ebaluazioaren arabera. Laborlanen bigarren edizio hau sei sektoretan banatuta dago: Nekazaritza, Biomedikuntza, Eraikuntza, Pertsonen Zaintzen Ekonomia, Galdaketa eta Metala.

  • Nekazaritza-sektoreko enplegu- eta prestakuntza-programa Euskadiko Baserritar Profesionalen Nekazaritza Erakundearekin (ENBA) lankidetzan egin da, erakunde horrek baitu ordezkaritza handiena nekazaritza-sektorean Bizkaian. Guztira 29 lagun ariko dira lanean
  • Bioosasunaren sektoreko programa Euskal Autonomia Erkidegoko Osasunerako Zientzia eta Teknologiako Enpresen Klusterrarekin egin da (Basque Health Cluster), gure lurraldean biozientzien eta osasunaren sektorean ordezkaritza handiena duen erakundea baita. Guztira 15 lagun ariko dira lanean
  • Eraikuntzaren sektorean enplegu-prestakuntzako programa bat sustatu da Bizkaiko Etxegile Sustatzaileen bazkunarekin (ASCOBI-BIEBA) lankidetzan. Guztira 20 lagun ariko dira lanean
  • Pertsonak Zaintzeko Ekonomiaren programa aurrera eraman da Gizarte Zerbitzu Integratuak kooperatiba-sozietatearen lankidetzarekin. Talde horrek gizarte-ekimeneko eta onura publikoko enpresak (SSI) biltzen ditu, sektore horretan Bizkaian ordezkaritza handiena duen erakundea baita. Guztira 20 lagun ariko dira lanean
  • Galdaketaren sektoreko programa Euskal Autonomia Erkidegoko eta Nafarroako galtzaileen Elkartearekin (AFV) koordinatu da, gure lurraldean sektorean ordezkaritza handiena duen erakundea baita. Guztira 12 lagun ariko dira lanean
  • Azkenik, 45 urtetik gorakoentzako metalaren sektorea (espezialitate industriala, elektronikoa eta aeronautikoa) Urbegi Inserción erakundearekin (Urbegi) lankidetzan sustatu da. Irabazi asmorik gabeko erakunde horren helburua da Bizkaian laneratzeko zailtasun bereziak dituzten pertsonak sustatzea. Guztira 15 lagun ariko dira lanean

Enplegu- eta prestakuntza-programa misto honetan parte hartu duten erakunde guztiak funtsezko eragileak dira beren sektoreen beharrak hautemateko eta, batez ere, lanbide-profilen eta -gaitasunen eskaintzaren eta eskariaren arteko doikuntza errazteko.

 

 

Sei dira Laborlan enplegu eta prestakuntza programaren bigarren edizioko sektoreak, eta izena emateko epea zabalik dago martxoaren 21era arte

Azkenik, LaborLan II programak sei sektoretan eskaintzen ditu laguntza integrala, prestakuntza eta esperientzia profesionala (kontratazioa eta guzti): Biomedikuntza, Pertsonen Zainketen Ekonomia, Nekazaritza sektorea, galdaketa, eraikuntza, eta –berrikuntza– seigarrena, metalaren sektorean sartu nahi duten 45 urtetik gorako langabeentzat, industria-, elektronika- edo aeronautika-adarretan.

Interesatuek martxoaren 21era arte eman dezakete izena

Teresa Laespada: “LaborLan ez da enplegu-programa bat gehiago: pertsonei enplegurantz laguntzen die eta prestakuntza eta esperientzia profesionala eskaintzen ditu lan-kontratu baten bidez”

Astelehen honetan, martxoaren 1ean, hasi da LaborLan programan izena emateko epea. Enplegu eta prestakuntzako programa misto hori Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailaren mendeko Enplegu eta Ekintzailetzaren Foru Agentziak (DEMA) sustatzen du.

Laburbilduz, enpleguaren arloko politika publiko horrek laguntza integrala eskaintzen die parte-hartzaileei, prestakuntza bat hautatutako sektorean, bai eta funtsezko zerbait ere, Covid-19aren pandemiaren ondoriozko krisi-une hauetan: lau hilabete arteko lan-kontratua eta -esperientzia eta Bizkaiko benetako enpresa-ehunera hurbiltzeko aukera.

Teresa Laespada foru diputatuak azpimarratu duenez, Laborlanek “langabeei laguntzen die” modu integralean. “Ez da enplegu programa bat gehiago, prestakuntza, amaierara arteko laguntza, lan-kontratu baten bidezko esperientzia profesionala eta enpresetara hurbiltzea eskaintzen dituen programa bat baita”, gaineratu du.

Gainera, azaldu duenez, eskulana behar duten sektoreetan egingo da, enpresa munduarekin batera egindako azterketa eta ebaluazioaren arabera.

Laborlanen bigarren edizio hau sei sektoretan banatuta dago: Biomedikuntza, Pertsonen Zainketen Ekonomia, Nekazaritza, Galdaketa, Eraikuntza eta Metala (adar industriala, elektronikoa eta aeronautikoa).

  • Biomedikuntzaren sektoreko programa Euskal Autonomia Erkidegoko Osasunerako Zientzia eta Teknologiako Enpresen Klusterrarekin egin da (Basque Health Cluster), gure lurraldean biozientzien eta osasunaren sektorean ordezkaritza handiena duen erakundea baita.
  • Pertsonak Zaintzeko Ekonomiaren programa aurrera eraman da Gizarte Zerbitzu Integratuak kooperatiba-sozietatearen lankidetzarekin. Talde horrek gizarte-ekimeneko eta onura publikoko enpresak (SSI) biltzen ditu, sektore horretan Bizkaian ordezkaritza handiena duen erakundea baita.
  • Nekazaritza-sektoreko enplegu- eta prestakuntza-programa Euskadiko Baserritar Profesionalen Nekazaritza Erakundearekin (ENBA) lankidetzan egin da, erakunde horrek baitu ordezkaritza handiena nekazaritza-sektorean Bizkaian.
  • Galdaketaren sektoreko programa Euskal Autonomia Erkidegoko eta Nafarroako galtzaileen Elkartearekin (AFV) koordinatu da, gure lurraldean sektorean ordezkaritza handiena duen erakundea baita.
  • Eraikuntzaren sektorean enplegu-prestakuntzako programa bat sustatu da Bizkaiko Etxegile Sustatzaileen bazkunarekin (ASCOBI-BIEBA) lankidetzan.
  • Eta, azkenik, metalaren sektorea (industria-, elektronika- eta aeronautika-adarra), 45 urtetik gorakoentzat edo adin horretatik gorakoentzat, Urbegi Gizarteratzearekin lankidetzan diseinatu da. Irabazi asmorik gabeko erakunde horren helburua da Bizkaian laneratzeko zailtasunak dituzten pertsonak sustatzea.

Enplegu- eta prestakuntza-programa misto honetan parte hartu duten erakunde guztiak funtsezko eragileak dira beren sektoreen beharrak hautemateko eta, batez ere, lanbide-profilen eta -gaitasunen eskaintzaren eta eskariaren arteko doikuntza errazteko.

Gaur egun bizirik dirau LaborLan I programak, iaz hasi zenak, eta beste sei sektore eta/edo lanbide hartzen ditu bere baitan: Gozogintza, Psikologia, Programazioa, Industria Fabrikazioa, Autobuseko Gidaria eta Fabrikazio Mekanikoa-Soldadura. DEMAren aurreikuspenen arabera, aurtengo maiatzean amaituko da enplegu eta prestakuntza programa mistoaren lehen edizioa

Informazio gehiago eta izen ematea

laborlan 11 euskera

Anezka Prest! eta Taldeka Digitala anezka berrietan izena emateko kanpainak arrakasta handia izan du

Enplegu-programek jaso duten eskaera-kopuru handia ikusita, DEMAk eskaintza handitzea erabaki du: hiru anezka eta bi Anezka Prest! eskainiko dira

Teresa Laespada: “DEMAren enplegu-programen edizio berriak izan duen harrera onak agerian uzten du gure enplegu-estrategiak tresna erabilgarriak eskaintzen dituela lana aurkitzeko, pertsonak ahalduntzeko eta pertsonak mundu digitalean prestatzeko.” DEMA – Enplegu eta Ekintzailetzarako Foru Agentziak Anezka Prest! eta anezka enplegu-programak handitzea erabaki du, parte hartzeko izen-emateak nabarmen areagotu baitira. Azkenean, hiru anezka (hasieran bi baino ez ziren aurreikusi) eta bi Anezka Prest! (bakar batekin hastea aurreikusi zen) eskainiko dira. Izena emateko epea zabalik egon den hiru asteetan zehar, bi programetan parte hartzeko (anezkak eta Anezka Prest!) 181 eskaera jaso dira. Hiru anezken saioak martxoaren 1etik ekainaren 23ra bitartean egingo dira; bestalde, bi Anezka Prest! programen deialdia martxoaren 15etik apirilaren 30era luzatuko da.

Izena emateko kanpainak izan duen arrakasta Taldeka Digitala programan ere igarri da, izan ere, izena emateko 42 eskaera jaso dira hiru astetan. Ekimen honen helburua da negozio-ideia bat duten eta ekintzaile profila daukaten pertsonen autoenplegua sustatzea mundu digitalean, baita, geroz eta globalizatuagoa den mundu batean, euren enpresa propioa sortzen laguntzea
ere. Taldeka Digitalak martxoaren 1ean zabalduko ditu ofizialki ateak, eta martxoaren 25ean amaituko da.

Covid-19aren pandemiaren ondorioz DEMAren enplegu-programak egokitu behar izan diren arren, datuek erakusten dute foru-erakundearen jarduketa azkarrari esker lortu dela enplegu eta prestakuntza programek bizirik irautea eta herritarren onespena ez galtzea. Ildo horretatik, Teresa Laespada sozialistak, Enplegu, Gizarteratze eta Berdintasuneko foru diputatuak (bere sailaren menpe dago DEMA Foru Agentzia), modu positiboan baloratu ditu deialdi berriak. “Anezka Prest! eta

Taldeka Digitala anezken bidez DEMAren enplegu-programen edizio berriak izan duen harrera onak agerian uzten du gure enplegu-estrategiak tresna erabilgarriak eskaintzen dituela lana aurkitzeko, pertsonak ahalduntzeko eta pertsonak mundu digitalean prestatzeko” azpimarratu du foru-diputatu sozialista bizkaitarrak.

Bi lantzadera berri eta Anezka prest baten aurre izena ematearen amaiera

Bi enplegu lantzadera berri eta Anezka prest lineako talde baten izena ematearen epea itxita

• Aurreinskripzioa egiteko epea otsailaren 21era arte dago zabalik.
• Enpleguko bi anezka berriekin Bizkaian guztira programa honen 35 edizio izango dira.
• DEMA, Enplegu eta Ekintzailetza Foru Agentziak antolatutako bi programen helburua pertsonak aktibatzea eta enplegua bilatzen laguntzea da.
• Telefonoa: 94 418 90 55.
• Laespada: “Lana aurkitzen laguntzen du eta pertsonak ahalduntzen ditu”

Enplegua, Gizarte Inklusioa eta Berdintasuna Sustatzeko Foru Sailak, DEMA – Enplegu eta Ekintzailetza Agentziaren bidez, bi Enplegu Anezka berri eta Anezka Prest! ekimeneko online talde bat sustatzen ditu, eta otsailaren 21era arte aurkeztu ahal izango da aurreinskripzio-eskaera.

dema anezka 2021

Bilbon eta Barakaldon kokatuta dauden bi Enplegu Anezka berri horiek abian jartzearekin batera aurreko legegintzaldiaren hasieran Bizkaian lehenengoa martxan jarri zenetik denboran zehar aktibatu diren taldeak guztira 35 izango dira.

Hala Enplegu Anezkak nola Anezka Prest! ekimenak DEMA Agentziak bultzatzen ditu eta programa horietan parte hartu nahi dutenek informazio gehiago nahi izanez gero, 94 418 90 55 telefonora dei dezakete.

Teresa Laespadak, Enplegua, Gizarte Inklusioa eta Berdintasuna Sustatzeko foru diputatuak, gogora ekarri duenez, 2016an Bilboko lehen Enplegu Anezka abian jarri zenean, “14 emakume eta zazpi gizonekin”, “enplegua aurkitzeko eta pertsonak ahalduntzeko tresna erabilgarriak eskaintzen dituen” programa baten aldeko apustua egin zen.

Bi anezken saioak abian egongo dira martxoaren 1etik ekainaren 23ra, eta Anezka Prest! ekimenaren deialdiak, berriz, martxoaren 15etik apirilaren 30era iraungo du.

Bi jarduketa desberdin badira ere, helburua berbera da: parte-hartzaileen artean enplegua modu eraginkorragoan bilatzeko behar den trebakuntza sustatzea. Asmoa bi jarduketak eskaintzea da, interesdunek hobekien egokitzen zaiena aukera dezaten, eta hautaketa-prozesu bera egingo da, pertsonek beren lehentasunen eta aukeren arabera aukera bat edo bestea aukera dezaten.

Anezka – Enplegu eta Ekintzailetza Anezkak Programa 2016an hasi zen, Bizkaian 3 anezka pilotu martxan jarri zirenean, eta dagoeneko 33 anezkara iritsi da (guztira 655 parte-hartzaile). Horiei datorren martxoan abiaraziko diren bi anezkak gehitu behar zaizkie.

Anezkak hainbat profiletako pertsona-taldeak dira, enplegu bila dabiltzanak; profesional batek dinamizatuta daude eta bilaketa hori modu eraginkorragoan egiteko ekintzak garatzen dituen lantoki batean kokatuta daude. Orain arte lortutako laneratze-maila %60tik gorakoa da.

PANDEMIAREN AURREKO ERANTZUNA

Anezka Prest! ekimena, bere aldetik, ekainean jarri zen abian lanaren arloan pandemiaren ondorioek sortutako egoerari erantzun azkarra emateko. Bi talde egin ziren, ‘online’ lan egin zutenak: bata, beren enpresak ixteagatik edo berregituratzeagatik langabezian geratu ziren pertsonez osatua eta, bestea, Covid-19aren eraginez lana aurkitzeko itxaropenak nabarmen murriztuta ikusi zituzten gazteek eratuta. Ekimena, adituen tailerrekin eta enplegagarritasuna hobetzeko ekintzekin, 34 pertsonarengana iritsi zen.

Ekimen hori izan zen DEMAK 2020an Covid-19ak eragindako pandemia-egoerari emandako erantzun berritzaileetako bat: %100ean ‘online’ garatzen den programa bat, non 2,5 orduko 14 saio egiten diren enplegagarritasuna hobetzeko gaiak lantzeko.

Datorren martxoaren 15ean abiatuko den talde berriarekin, hiru Anezka Prest! izango dira orain arte martxan jarritakoak, eta 50 pertsonak baino gehiagok lana bilatzeko estrategia prestatzeko laguntza aurkituko dute.

TALDEKA DIGITALA: izen emateak itxita

Taldeka Digitalerako deialdo berrian izena emateko epea itxita dago

Taldeka Digitala DEMAk (Enplegu eta Ekintzailetza Foru Agentziak) antolatzen duen programa da eta deialdi berri bat martxan jarri du, mundu globalizatuan ekintzaile izan nahi duten eta jarduera digitalekin zerikusia duten ideiak dituzten pertsonei laguntzeko.

banner-taldeka-digitala-2021

Programa honetan parte hartzen duten ekintzaileen % 60k beharrezko tresnak jasotzen ditu negozioa martxan jartzeko, eta, azkenean, lanpostu propioa sortzen du.

DEMAk Taldeka Digitala foru programaren deialdi berria ireki du otsailaren 8tik aurrera. Ekimen horren helburua, ekintzaile profila eta negozio baten ideia propioa duten pertsonek esparru digitalean autoenplegua sortzea eta ekintzaile horiei laguntzea da, geroz eta globalizatuagoa den munduan enpresa bat sor dezaten.

Hauek dira programan parte hartzeko betekizunak:

  • Bizkaian bizitzea.
  • Langabezian egotea edo egungo lana hobetu nahi izatea edo ikaslea izatea.
  • Adin nagusikoa izatea.
  • Ez da beharrezkoa teknologiarekin lotutako prestakuntza izatea.

Foru programa horrek ekintzaileak lehenengo unetik identifikatuko ditu; horiek, era berean, jakin beharko dute azkar mugitu behar dutela ekintzailetza tradizionalarekin alderatuta handiagoa den eremu batean. Arriskuak zure gain hartzeko gaitasuna izateaz gain, iniziatiba eta bezeroenganako orientazioa badituzu eta informazioa aztertzeko eta merkatu digitala ulertzeko gaitasuna baldin baduzu, Taldeka Digitalak zure helburuak lortzen lagunduko dizu.

Honakoak ikasiko dituzu:

  • Zure ‘startupa” martxan jartzeko ezinbesteko alderdiak identifikatzea.
  • Zure produktua kontzeptualizatzeko metodologia.
  • Zure proiektua defendatzeko tresnak erabiltzea.
  • Zure negozioa planifikatzea, garatzea eta handitzea.

Edizio berrian izena emateko epea otsailaren 8an hasiko da eta otsailaren 22an bukatuko da.

Taldeka Digitala martxoaren 1ean irekiko da modu ofizialean eta martxoaren 25ean bukatuko da. Azkenean programan parte hartuko duten pertsonek ikastaro batean parte hartuko dute astelehenetik ostegunera 10:00etatik 14:00etara. Prestakuntza saioak bukatzean, ekintzaileek proiektua defendatuko dute “Demo Day” delakoan; egun horretan, beraien negozio ideia defendatuko dute ekintzailetza digitaleko agenteen aurrean (enpresak, sustatzaileak, adituak, inbertsio funtsak, eta abar).

DEMA Bizkaiko Foru Aldundiaren Gizarte Inklusioa eta Berdintasuna Sustatzeko Sailaren menpeko Enplegu eta Ekintzailetza Foru Agentzia da, eta bertako zuzendaria Teresa Laespada foru diputatua da.

 

 

ANEZKA-ANEZKAPREST DEIALDI IREKIA

Enplegu eta Ekintzailetza ANEZKA eta Anezka Prest programetarako deialdiak zabalik. Lan bila dabiltzan langabeentzako bi ekintza.

 Enplegu eta ekintzailetza ANEZKA:

Bi anezka berri jarriko dira martxan; 2021eko martxoaren 1etik ekainaren 23ra. Hamabost langabez osatutako taldeak dira enplegu-anezkak, dinamizatzaile baten laguntzarekin, enplegagarritasun-gaiak lantzen dituzte online eta aurrez aurreko jardunaldietan.

  • Izena emateko epea: 2021eko otsailaren 21era arte
  • Anezkak egiteko epea: 2021eko martxoaren 1eko ekainaren 23era arte

Programari buruzko informazioa  Enplegu eta ekintzailetza ANEZKA

ANEZKA PREST

Enplegurako teknikari baten laguntzarekin eta adituek emandako tailerretan lana bilatzeko estrategia egokia prestatzeko funtsezko gaiak landuko ditu 15 laguneko taldeak, online eginiko 14 saiotan.

  • Izena emateko epea: 2021eko otsailaren 21era arte
  • Anezka Prest egiteko epea: 2021eko martxoaren 15tik apirilaren 30era arte

Programari buruzko informazioa ANEZKA PREST

 

Berrietan bilatu