Actualidad DEMA

TALDEKA DIGITALA DEIALDI BERRIA

Taldeka Digitala, DEMAk (Enplegu eta Ekintzailetza Foru Agentziak) antolatzen duen programa, bere seigarren deialdia martxan jarri du, mundu globalizatuan ekintzaile izan nahi duten eta jarduera digitalekin zerikusia duten ideiak dituzten pertsonei laguntzeko

Programa honetan parte hartzen duten ekintzaileen % 60k beharrezko tresnak jasotzen ditu negozioa martxan jartzeko, eta, azkenean, lanpostu propioa sortzen du

DEMAk Taldeka Digitala foru programaren seigarren deialdi berria urrian  ireki du. Ekimen horren helburua, ekintzaile profila eta negozio baten ideia propioa duten pertsonek esparru digitalean autoenplegua sortzea eta ekintzaile horiei laguntzea da, geroz eta globalizatuagoa den munduan enpresa bat sor dezaten.

Hauek dira programan parte hartzeko betekizunak:

  • Bizkaian bizitzea.
  • Langabezian egotea edo egungo lana hobetu nahi izatea edo ikaslea izatea.
  • Adin nagusikoa izatea.
  • Ez da beharrezkoa teknologiarekin lotutako prestakuntza izatea.

Foru programa horrek ekintzaileak lehenengo unetik identifikatuko ditu; horiek, era berean, jakin beharko dute azkar mugitu behar dutela ekintzailetza tradizionalarekin alderatuta handiagoa den eremu batean. Arriskuak zure gain hartzeko gaitasuna izateaz gain, iniziatiba eta bezeroenganako orientazioa badituzu eta informazioa aztertzeko eta merkatu digitala ulertzeko gaitasuna baldin baduzu, Taldeka Digitalak zure helburuak lortzen lagunduko dizu.

Honakoak ikasiko dituzu:

  • Zure ‘startupa” martxan jartzeko ezinbesteko alderdiak identifikatzea.
  • Zure produktua kontzeptualizatzeko metodologia.
  • Zure proiektua defendatzeko tresnak erabiltzea.
  • Zure negozioa planifikatzea, garatzea eta handitzea.

Edizio berrian izena emateko epea azaroaren 3an bukatuko da. Azkenean programan parte hartuko duten pertsonek ikastaro batean parte hartuko dute astelehenetik ostegunera 10:00etatik 14:00etara, azaroaren 8tik abenduaren 23ra.

Prestakuntza saioak bukatzean, ekintzaileek proiektua defendatuko dute “Demo Day” delakoan; egun horretan, beraien negozio ideia defendatuko dute ekintzailetza digitaleko agenteen aurrean (enpresak, sustatzaileak, adituak, inbertsio funtsak, eta abar).

“Besteak beste, merkatu berriak, ekintzailetza digitalaren ekosistema, abantailak eta finantziazio-aukerak ulertzeko aukera emango die programak”, DEMAk azpimarratu du.

DEMA Bizkaiko Foru Aldundiaren Gizarte Inklusioa eta Berdintasuna Sustatzeko Sailaren menpeko Enplegu eta Ekintzailetza Foru Agentzia da, eta bertako zuzendaria Teresa Laespada foru diputatua da.

IZENA EMAN

Zubilan Plus programak zuzendaritza-profila duten 45 urtetik gorako 24 pertsonari laguntzen die enpleguan

Carolina Pérez Toledo (CEBEKeko presidentea) eta Teresa Laespada (Enplegua, Gizarte Inklusioa eta Berdintasuna Sustatzeko foru diputatua)

Teresa Laespada, Enplegua, Gizarte Inklusioa eta Berdintasuna Sustatzeko foru diputatua, eta Carolina Pérez Toledo, CEBEKeko presidentea,  izan dira buru programa honen jardueraren irekiera-jardunaldian.

DEMA – Enplegu eta Ekintzailetzaren Foru Agentziak jarri du abian lankidetza publiko-pribatuko programa hau.

Programa CEBEK, Bizkaiko Enpresarien Konfederazioarekin eta bere sektorialak diren FVEM, AVEQ, CECOBI eta ASCOBIrekin  jarri da abian.

Laespada: “Aniztasuna aukera leihoa da”

DEMA – Enplegu eta Ekintzailetzaren Foru Agentziak  Zubilan Plus jarri du abian, Enplegua, Gizarte Inklusioa eta Berdintasuna Sustatzeko Sailak  sustatzen eta finantzatzen duen programa pilotua. Programa honen helburua zuzendaritza-profilak dituzten 45 urtetik gorako 24 langaberi laneratzeko laguntza integrala ematea da. 

Teresa Laespada, Enplegua, Gizarte Inklusioa eta Berdintasuna Sustatzeko foru diputatua, eta Carolina Pérez Toledo, CEBEKeko presidentea,  izan dira astelehen honetan Bilboko Euskalduna Jauregian egin den programari hasiera emateko jardunaldiko buruak.

Egitarauak bederatzi hilabeteko iraupena izango du eta 2022ko apirilera arte iraungo du.  Programa hilabete honetan hasi da maila ofizialean, ekitaldi presentzial honekin; ekitaldi honetan erakundeetako eta enpresetako sustatzaile nagusiek hartu dute parte, baita parte-hartzaileek ere.

Laespada diputatuak nabarmendu du asmoa daukala Bizkaian senior talentuaren garrantzia ikusarazteko, eta lan-merkatuan duen lekua eta gauzatu gabe ditugun erronka eta trantsizioei egiten dien ekarpena aldarrikatzeko. 

Haren esanetan, inork ez du adinkeriako praktikarik aitortzen, inork ez du adinagatik aurrejuzgatzen edo diskriminatzen denik aitortzen. Inork ez. Hala ere, konturatuta edo konturatu gabe, hautaketa-prozesu gutxi gainditzen dituzte berrogeita hamar urtetik gorako profesionalek. Eta justizia kontua da. Baita adimen kontua ere. Izan ere, aniztasuna aukera-leihoa da edozein erakundetan: baita enpresetan ere. Aktibo bat da, balio bat. Horrez gain, gehitu du geroago partaide izango zaituzten mahai-inguruan senior talentua ez baztertzeko mila arrazoi baino gehiago azalduko direla. 

Gainera, azpimarratu du lan-indarra pluralagoa dela maila guztietan, bai adinari eta generoari dagokienez, baita jatorriari, esperientziari, kulturari, ikuspuntuei eta balioei dagokienez ere.

CEBEK
Bestalde, CEBEKeko presidenteak ohartarazi du, zorionez, 50 urtetik gorako pertsonek Euskadin COVIDaren aurreko enplegu-maila berreskuratu duten arren, ezin dugula inor atzean utzi.

Beraren ustez, enpresa belaunaldien arteko topagune bat da. Enpresa bakoitzaren barruan esperientziak eta gaztetasunak elkarrekin bizi behar dute eta elkar elikatu behar dute talentua eta sormena sortuz. Halaber, gehitu du enpresa-erakundeetatik eta Alduntitik zein DEMAtik senior talentua duten pertsonen aintzatespena sustatu nahi dutela.

Horrez gain, Pérez Toledok adierazi du heldutasun profesionala ekarpen bat dela, izan ere, adinak balio erantsia ematen du, besteak beste, esperientziari, heldutasun profesional eta pertsonalari, kontaktu-sareari, enpresen ezagutzari dagokienez.

Laespada eta Pérez Toledorekin batera, Elena Cascantek, Generación y Talento Generacciona Behatokiko bazkide-zuzendariak hartu du parte ekitaldian. Cascante andreak zuzendariek lantaldeen kudeaketa eraginkorrari eta enpresako antolaketa-erronka berriei dagokienez dituzten portaerei buruzko hitzaldia eskaini du.

Mahai-inguru batek osatu du ponentzia eta Cascantek berak saioko aholkularietako batekin (Maria Erkoreka), CEBEKeko idazkari nagusiaren ondokoarekin (Gonzalo Salcedo), María Seidedos ekintzailearekin eta Zubilan Plusen parte hartzen duten pertsonetako batekin eztabaidatu du.

Estatistikek erakusten dutenez heldutasun profesionalean sartzea, lan-merkatura erraz itzultzen laguntzen duen aktiboa izan beharrean, galga bat da. Paradoxikoki, adinak esperientziari, heldutasun profesional eta pertsonalari, kontaktu-sareari, enpresa-ehunari eta abarri dagokienez ematen duen balio erantsia ez da bereziki baliagarritzat jotzen enpresa-ehunean. Euskadin, zehatzago esanda, langabeziaren kostu sozialaren % 90 bi urte baino gehiago langabezian daramaten 45 urtetik gorako pertsonek osatzen dute, eta % 45 hezkuntza-profil ertain-altuei dagokie, Laespada diputatuak aurkeztu berri duen Bizkaiko Foru Aldundiaren 2020-2023 Enplegu Planaren arabera.

Programa honek trebetasun eta gaitasunei buruzko prestakuntza jasotzen hasi diren pertsonak prestatzeko behar diren tresnak emango ditu, enplegua bilatzeko ibilbide pertsonalizatuak diseinatzeko eta gauzatzeko. Programak banakako eta taldekako saioak eskaintzen ditu.

Bai foru-agentziak bai Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak lankidetza publiko-pribatuaren aldeko apustu irmoa egiten dute enplegu-politika aktiboetan. Oraingo honetan programa Bizkaiko enpresa-sareko eragilerik adierazgarriena den CEBEK – Bizkaiko Enpresarien Konfederazioarekin jarri da martxan, bai eta bere sektorialak diren FVEM, AVEQ, CECOBI eta ASCOBIrekin  ere. Sektoreetako bere elkarteekin batera, CEBEKek ezin hobeto ezagutzen ditu enpresek Bizkaiko lurraldean dituzten profil profesionalen beharrak.

Halaber, Zubilan Plusen parte hartzen dute profilak laneratzeko prozesuetan adituak diren aholkularitza-enpresek. Aholkularitza-enpresa horiek, udan hautatu ziren 24 parte-hartzaileentzat diseinatutako laguntzarekin batera, orientazio-teknikak, coachinga, helburu profesionalen plangintza, lana bilatzeko ibilbide baten hedapena edo elkarrizketetan trebatzea garatuko dituzte. Azken helburua: langabezian dauden eta zuzendaritza-profila duten 45 urtetik gorako pertsonei laguntza integrala ematea. Betiere emakumeen kolektiboa, iraupen luzeko langabeak eta, zehatzago, 55 urtetik gorakoak ahaztu gabe, horiei ere arreta espezifikoa eman nahi baitzaie.

Ireki da epea enplegu anezka berrietan behin-behinekoz izena emateko: 75 pertsonek hartuko dute parte

  • Enplegua, Gizarte Inklusioa eta Berdintasuna Sustatzeko Sailak 2016. urteaz gero 36 enplegu anezka gauzatu ditu DEMA Foru Agentziaren bitartez.
  • Pandemia gorabehera, anezketako parte-hartzaileen laneratze-maila % 60tik gorakoa izan da; gehienak emakumeak izan dira.
  • Laespada: “Pertsonengan sinestea da politika publikoek egin dezaketen inbertsiorik onena”

DEMA-Enplegu eta Ekintzailetza Foru Agentziak Bizkaian abian jarriko dituen enplegu anezka berrietan aurreinskripzioa egiteko epea ireki da urriaren 12ra arte, langabezian edo enplegua hobetzeko prozesuan dauden 75 pertsona hautatzeko helburuarekin.  Foru programa honek % 60tik gorako laneratze-maila lortu du, eta langabezian dauden pertsonen artean lana bilatzeko prozesua eraginkorragoa izateko beharrezko trebakuntza sustatu nahi du.

Anezka bakoitza gehienez 15 pertsonek osatzen dute. Lanbiden izena emanda daude eta langabezian edo lana hobetzeko prozesuan daude. Astean hiru saio egiten dira: aurrez aurreko bi saio (lau ordukoak) eta saio bat online (bi ordu eta erdikoa). Lau hilabetetan zehar partaideek talde heterogeneoak osatuko dituzte, gaitasunak eta jarrerak hobetzeko, besteren kontura zein norberaren kontura enplegua lortzeko.

Bizkaiko Foru Aldundiko Enplegua, Gizarteratzea eta Berdintasuna Sustatzeko Sailak ANEZKA-Enplegu Anezka programak aurrera jarraitzen du DEMA-Enplegu eta Ekintzailetza Foru Agentziaren bitartez. Guztira 36 egin dira 2016an abian jarri zenetik. Guztira, 701 partaide izan dira (453 emakume eta 248 gizon), eta laneratzeak guztira % 60,77 izan dira (426 partaide: 277 emakume eta 149 gizon).

Teresa Laespada Enplegua, Gizarte Inklusioa eta Berdintasuna Sustatzeko foru diputatuak gogorarazi du programa honen aldeko apustua joan den legealdian egin zela eta “datuei erreparatuz” arrakastatsua suertatu dela, baina, gainera, gizakiaren  ikuspegitik, “hobetu dutenen eta lan-merkatura bueltatu direnen hainbat historia daude”. “Pertsonengan sinestea da politika publikoetatik egin dezakegun inbertsiorik onena”, erantsi du Laespadak.

Aurreinskripzioa egiteko interesa duen edonork informazioa eskuragarri izango du DEMAren webgunean (www.dema.eus/anezka) edo 94 418 90 55 telefonoan. Aurreinskripzioa aurkezteko epea, aipatu bezala, urriaren 12a da. Anezka berrien iraupena lau hilabetekoa izango da, 2021eko urriaren 24tik 2022ko otsailaren 24ra arte (erreferentzia gisa hartutako datak dira).

Anezka-Enplegu Anezka programa Demaren eta Enpleguaren Foru Sailaren arteko lankidetzaren emaitza da (Santa Maria la Real fundazioarekin) eta honako hau eskaintzen die partaideei:

  • Taldeko saioak, prestakuntza-pilula, taldeko dinamika eta taldean egindako lanaren bidez enplegagarritasuna hobetzeko.
  • Anezkako koordinatzailearekin banako saioak izateko aukera.
  • Enpresekin harremana eta giza baliabideetako arduradunekin saioak.
  • Enplegua bilatzearekin zuzeneko harremana duten gaietan adituen tailerrak.
  • Ekintzailetza-tailerrak eta ekintzailetzarako ibilbide praktikoa negozio-ideia duten pertsonentzat.

IZENA EMAN

Sarekin Sarearen osoko bilkura Bizkaiko ekintzailetzaren lankidetza-ekosisteman aurrera egiteko bildu da

Plenario Red Sarekin

Usteen arabera hilabete honetan irekitako prozesua abenduan amaituko da, ‘Sarekin Week’ ekimenaren II. edizioarekin.

Laespada: “Inor atzean ez uzteko bermea, inor kanpoan ez uzteko”.

Riol: “Ekintzailetzaren Astea Bizkaiko komunitate ekintzailearen erreferentzia gisa finkatu nahi dugu.”

Bizkaiko foru-erakundeek ekintzailetzaren inguruan sortutako Sarekin Sareak, eragileen ekosistemak, osoko bilkura presentziala egin du ostegun honetan Bilbon elkarlaneko ekosistemen garapenean sakontzeko prozesuaren barruan. Helburuetako bat Sare horren beharrak eta elkarguneak, indarguneak eta ahalmenak identifikatzea da eta, aldi berean, eragileak Sare horren inguruan mobilizatzea.

Prozesua urte amaierara arte luzatuko da eta ‘Sarekin Week’en ekitaldiaren II. edizioarekin amaituko da, Marivi Riolek, ekitaldia antolatu duen DEMA, Enplegu eta Ekintzailetza Agentziako zuzendariak, aurreratu duenez.

Saioan Enplegua, Gizarte Inklusioa eta Berdintasuna Sustatzeko Bizkaiko foru diputatua, Teresa Laespada, izan da; diputatuak lurraldeko ekintzailetzaren aldeko apustu garbia berretsi du, ekimen ekintzaile bat bera ere bidean gera ez dadin berak zuzentzen duen erakundeak laguntzarik ematen ez diolako.

Teresa Laespada

Teresa Laespada (Enplegua, Gizarte Inklusioa eta Berdintasuna Sustatzeko Bizkaiko foru diputatua)

Diputatuak adierazi duenez, “gizarteak pertsona guztiak behar ditu, pertsona horien gaitasunen % 100, talentuaren % 100”. “Eta hau bermea da inor atzean ez uzteko, inor kanpoan ez uzteko”, gaineratu du.

Gainera, “herritarrek beste ekintzailetza eredu gizatiarrago bat eskatzen dute” zehaztu du eta beraz, ikuspegiak eta konpromisoak “merkatu balioa sortzeaz haratago doan ekintzailetza” behar dute: “balio soziala sortzearen aldeko apustua egiten dugu”.

“Dei diezaiogun baliodun ekintzailetza, helburuak, arima, zentzua edo inpaktua dituena. Enpresaren zeregin sozialaz jabetzen den ekintzailetza”, azpimarratu du.

Ekitaldian Sarekin Sarearen jardueraren balantzea egin da, Bizkaiko Lurraldeko Sareko ekintzailetza-eragileen lankidetza-ekosistema honen sendotasuna azpimarratuz. Saioak, halaber, Sarearen beharrak eta helburuak identifikatzeko balio izan du.

Prozesu honetan, Antonio Gonzálezek eta Manuel Rodriguezek (Impact Hub-ekoek) eta Pablo Ocañak (Urbegi TGN – The Global Network-ekoak) osoko bilkuran partekatutako hausnarketak baliagarriak izan dira Sarekin Sarea bezalako ekosistema kolaboratiboen garapena aurkezteko. Hiru hizlari hauen ekarpenak indartu egin dira Sarearen egungo egoera aztertzeko eta etorkizuneko beharrak eta asmoak identifikatzeko antolatu diren hainbat lan-mahaitan parte hartzeko dinamiken bidez.

 

‘SAREKIN WEEK’

Beste alde batetik, Marivi Riolek, DEMA foru agentziako zuzendari kudeatzaileak, ‘Sarekin Week’ Bizkaiko Ekintzailetzaren Astearen II. edizioaren eduki eta helburu batzuk aurreratu ditu. Ekitaldi hori urte amaieran egiteko ustea dago; azaroaren 29tik abenduares 3ra.

Riolek azaldu duenez, 2020an egin zen ‘SarekinWeek’ Ekintzailetzaren Asteak erakutsi zuen Bizkaiko Eragileen Sarea “indartsuagoa eta eraginkorragoa” dela “elkarlanean lan eginez, baliabideak eta zerbitzuak partekatuz”, horrela  “gure ahalegin honen erdigunea diren Bizkaiko ekintzaileei zerbitzu hobea emateko”.

“SarekinWeek’ ekimenaren II. edizioak Sare gisa indartzeko balioko du; gure xedea ekitaldi honek Bizkaiko komunitate ekintzailearentzat duen erreferentzia-izaera finkatzea da. Gure lurraldeko ekintzailetzaren joerak eta etorkizuna aztertzeko eta eztabaidatzeko aste garrantzitsua da. Belaunaldi berriei zer ekintzailetza helarazi nahi diegun eztabaidatzean jarriko dugu arreta: inpaktua izango duen ekintzailetza, gizartearen eta ingurumenaren eraldaketa eragingo duena “, azpimarratu du.

Ostegun honetan Bizkaia Aretoan (UPV/EHU) egin den osoko bilkura presentziala osatzeko hiru tailer egingo dira datozen hilabeteetan, hauek ere presentzialak: lehenengoak ekintzailetza-ekosistemak aztertuko ditu, bai eta Bizkaian nola sustatu ere; bigarrenean, elkarlan-sarea osatzen duten eragileekiko komunikazio- eta lankidetza-prozesuak ezarriko dira; eta, hirugarrenean, komunitateak eta lankidetza izango dira ardatz, horiek baitira etorkizuneko gakoak.

Bizkaiko Foru Aldundiak ekintzailetzaren alde azken urteotan garatu duen foru-estrategia Espainiako Gobernuak Espainia Puede Planean garatu duen politikarekin bat dator. Plan horren arabera pandemiari aurre egiteko baliabideen % 17 (72.000 milioi 2023ra arte) herrialde honetako industriaren ekoizpen-sarea modernizatzera eta Espainia Nazio Ekintzailea Estrategia bultzatzera bideratuko dela aurreikusten da.

‘Sarekin Week’ ekimenaren I. edizioan -pandemia betean egin zena 2020ko urrian- antolatzaileek ezarritako bi helburuak bete ziren. Alde batetik, pertsona ekintzaileak eta haien ideiak Bizkaiko lurraldean laguntza eman diezaieketen erakundeekin harremanetan jartzea, errealitate bihur daitezen. Gainera, ekintzailetzaren asteak Bizkaian ekintzailetzaren inguruan sortutako ekosistemaren dinamismoa erakusteko balio izan zuen: pertsona guztientzako topagune eta aholkularitza pertsonalizatua emateko tokia, garai hartan zalantzak nagusi izan arren eta, neurri txikiagoan, baita Covid-19ak eragindako pandemiaren ondorioz enpresa berri bat sortzea erabaki duten edo erabakiko duten pertsonentzako esparrua ere.

Lehen edizioan, aurrez aurreko biltzarraz gain, 68 hizlarik baino gehiagok parte hartu zuten, eta 30 ekitaldi, 1.740 bistaratze eta 175 matchmaking egin ziren. Guztira, 2.824 inskripzio egon ziren.

‘Sarekin Week’ ekimenaren I. edizioak ekintzaileen komunitatearen barruko jarduera % 15 handitzea ekarri zuen eta webguneak 4.299 erabiltzaile izan zituen guztira, 5,276 saiorekin, eta 14.469 orrialde ikusi ziren.

Mariví Riol, DEMA foru agentziako zuzendari kudeatzailea

 

Zubilan Plus: Enplegu eta Ekintzailetza Foru Agentziaren (DEMA) laguntza integraleko programa berria zuzendaritza-profila duten pertsonentzat, 45 urtetik gorakoentzat eta langabezian daudenentzat

Programa pilotua Bizkaiko CEBEK patronalarekin elkarlanean egin da, eta zuzendaritza-profilei laguntzeko laguntza tekniko espezializatuarekin. Programa honen xedea 24 parte-hartzaile laneratzea da.

Enplegu eta Ekintzailetza Foru Agentziak (DEMA) abian jarri du Zubilan Plus. Prpgrama hori Teresa Laespada foru diputatuak zuzentzen duen Enplegua, Gizarte Inklusioa eta Berdintasuna sustatzeko Sailak sustatu eta finantzatzen duen programa pilotua da, zuzendaritza-profila duten 45 urtetik gorako langabeei laneratzen lagunduko diena.

Programak bederatzi hilabeteko iraupena izango du eta 2021eko uztailaren amaieratik 2022ko apirilaren 15era arte iraungo du.

Guztira, gehienez 30 langabetu bilatu nahi dira –horietatik 6 erreserbakoak–, Bizkaian erroldatuta daudenak, aldez aurretik talde-kudeaketaren arloan edo bestelako erantzukizunetan arduradun izan direnak eta kudeatzaile-, zuzendaritza-, buruzagitza- edo erdi-mailako aginte-postuetan esperientzia profesionala dutenak.

Honako hauek dira DEMAren programa berrian parte hartu ahal izateko beste beharkizun batzuk:

  • Oinarriak argitaratu aurretik LANBIDEn inskribaturik egon behar dute.
  • Informatika-ezagutzak izan behar dituzte eta Interneterako konexioa eta ekipoa izan behar dute.
  • EAEko hizkuntza ofizialetako bat menderatu behar dute

Programak, gainera, arreta berezia jarri nahi die gizarteratzeko zailtasun bereziak dituzten kolektiboei, hala nola emakumeen kolektiboari, iraupen luzeko langabeziari eta 55 urtetik gorako pertsonei.

 

Lankidetza publiko-pribatua

Zubilan Plusek lankidetza publiko-pribatuaren aldeko apustua egin du; hori dela eta, CEBEK Bizkaiko Enpresarien Konfederazioarekin batera jarri da abian, konfederazio hau Bizkaiko enpresa-ehunean eragilerik adierazgarriena baita. FVEM, AVEQ, CECOBI eta ASCOBI sektore-elkarteekin batera, CEBEKek ondo ezagutzen ditu enpresek lurralde horretan dituzten lanbide-profilen beharrak.

Programan parte hartuko duten etorkizuneko parte-hartzaileen profilen laneratze-prozesuetan adituak diren aholkularitza-enpresek ere parte hartzen dute programan. Horiekin, laguntza integrala emango dute, honako ekintzak burutuz, besteak beste: orientazio-teknikak, coachinga, helburu profesionalen plangintza, enplegua bilatzeko ibilbide bat hedatzea edo elkarrizketetan trebatzea.

Zubilan Plus testuinguru jakin batean sortu da, non datuek erakusten baitute esperientzia eta heldutasun profesionala galga bihurtu direla langabezian dauden pertsonak birkokatzeko. Hori dela eta, Euskadin langabeziaren kostu sozialaren % 90 bi urte baino gehiago langabezian daramaten 45 urtetik gorako pertsonen artean pilatzen da; horietarik % 45ek hezkuntza-profil ertain-altuak dituzte, Bizkaiko Foru Aldundiaren Enplegu Planaren arabera.

Horrela, Zubilan Plus programa egoera horri buelta emateko asmoz sortu da, beren bizitzako uneren batean gerentziako edo zuzendaritzako lanpostuetan esperientzia profesionala izan duten eta orain langabezian dauden pertsonen kolektibo horri dagokionez.

“Pertsona proaktiboak nahi ditugu, bederatzi hilabetez lana bilatzeko bide bizi-bizia egiteko prest daudenak”, azpimarratu du Enplegu eta Ekintzailetza Foru Agentziak, pertsonak programa honetan izena ematera animatzeko asmoz.

Izena emateko eskaera telematikoa izango da. Horretarako, inprimaki bat bete behar da, eta curriculum vitaea eta lan-bizitza erantsi, helbide honetan:

http://www.dema.eus/forms/zubilan.php

magen-zubilan-banner-web

Bidaia-agentzia alternatiboa den proiektu batek irabazi du LHn ekintzailetza-kultura sustatzeko Enpresari 2020-2021 lehiaketa

Idoia Mendia lehendakariordeak eta Lan eta Enpleguko sailburuak eta Teresa Laespada, Enplegua, Gizarte Inklusioa eta Berdintasuna Sustatzeko foru diputatuak banatu dituzte Enpresari Sarien hogeigarren edizioko sariak.

2020-2021 edizioko Bizkaiko Lanbide Heziketako ikastetxeetako ikasleen artean ekintzailetza sustatzeko Enpresari Programan aurkeztutako ideien eta proiektuen lehiaketako Lehen Saria jatorriz Marokoarra den Aziz Oulahbib gazteak irabazi du. Bere proposamenaren helburua ‘Oaziz’ sortzea da, zirkuitu turistikoenak alde batera utzita “Benetako Maroko” ezagutzeko ibilbide alternatiboetan espezializatutako bidaia agentzia. Oulahbib Dolores Sopeña Lanbide Heziketako Zentroko ikaslea da  eta 1.500 euro jasoko ditu sariagatik.

Bideoen modalitatean -parte hartzen duten ideia enpresarialak ikus-entzunezko hizkuntzan erakusten dituztenak- sei lan saritu dira; horietako bat San Luis Zentroko Ibone Monge Serranok asmatutako “Gure Tabadul” migratzaileen laguntza-zentroaren proiektuari egokitu zaio.

2020-2021 edizio honetako sariak asteazken honetan Bilboko Euskalduna Jauregian egin den galan banatu dira, aldi berean programa honen 20 urteko bizitza ere ospatuz. Enpresari Programak bi hamarkada daramatza Bizkaiko LHko ikastetxeetako ikasleen eta irakasleen artean enpresa-kultura ekintzailea sustatzen. DEMA- Enplegu eta Ekintzailetza Foru Agentziak zuzentzen du eta Enplegua Sustatzeko Foru Sailaren eta Lanbide-Euskal Enplegu Zerbitzuaren laguntza du.

Programa honen balantzearen arabera Bizkaiko LHko ikastetxeetako ikasleek 1.821 tailer egin dituzte, 3.848 ideia aurkeztu dira eta 863 enpresa-proiektu aurkeztu dira. Guztira 48.500 ikasle inguruk parte hartu dute 2001. urteaz geroztik.

Ana Urrutia kazetariak aurkeztu duen ekitaldian, Idoia Mendia,  lehendakariordea eta Lan eta Enpleguko sailburua, eta Teresa Laespada,  Enplegua, Gizarte Inklusioa eta Berdintasuna Sustatzeko foru diputatua, egon dira. Sari banaketaz gain, ekitaldian zehar Enpresari Programaren 20 urteak gogoratzeko bideoa erakutsi da eta Euskaldunako aretoa bete duen jendeak Maitane Sarralde dantza bertikaleko dantzariaren, Maite Guevara clownaren eta Aukeran dantza konpainiaren emanaldiez gozatzeko aukera izan du.

“Proiektuak eta ilusioa dituzten gazteak”

Enpresari Programaren XX. urteurrena ospatzeko egin dituzten esku-hartzeetan bi erakundeetako arduradunek gazteen artean ekintzailetza sustatzeko defentsa sutsua egin dute.

Laespada diputatuak programa honen hogeigarren urteurrena azpimarratu du. “Hazten eta sendotzen jarraitzen dugu, ikusgarritasunean, parte-hartzean, bizitasunean, ekintzailetzaren erreferente gisa”, gaineratu du.

Halaber, azpimarratu duenez, ekintzailetza “DEMA Agentziaren DNAn dago duela 31 urte sortu zenetik”, 3.000 enpresa baino gehiagoren sorrera babestuz.

Bere aldetik, lehendakariordeak parte hartzaile guztiak zoriondu ditu eta Gobernuaren berariazko aitortza helarazi die, “Herrialde moduan daukagun oraina eta, batez ere, etorkizuna erakusten duzuelako”. “Hilabete oso gogorrak igaro ditugula eta oraindik ere zuhurtasun handia eskatzen duten garaietan gaudela”, gogoratu ondoren, Idoia Mendiak baieztatu du  “ateratzeko gizarte-oinarri sendoa dugula. Gobernu guztien eta eragile sozialen konpromisoa dugu, eta proiektuak dituzten eta aurrera egiteko ilusioa duten gazteak ditugu”. “Gizartea eta ekonomia berreraikitzeko bidean gaude”.

2020-2021 Enpresari Sarien edizio honetan, programa honen XX. urteurrena ere badena, 216 enpresa-ideia aurkeztu dira guztira. Ideia horietatik 70 aukeratu ziren. Lau hilabetez DEMA – Enplegu eta Ekintzailetza Foru Agentziako aholkularien laguntzarekin ikasle parte-hartzaileak –20 eta 28 urte bitarteko gazteak, gero eta adin handiagoko pertsona gehiago dauden arren– ikasgeletan foru agentziako aholkulariekin egindako bileretan hasierako ideia horiek onduz joan dira, enpresa-proiektuei forma eman arte. Ikasle horietako asko asteazken honetan Euskalduna Jauregira joan dira azkenean DEMAk aintzatetsi dituen ideiak eta proiektuak bertatik bertara ezagutzeko.

2020-2021 edizioko gainerako Enpresari Sariak honako hauek dira:

  • Bigarren Saria (1.200 euro) Alba Rodriguez Salvadorren ‘Fertinfo’ proiektuarentzat; Bilboko Elorrieta Erreka Mari Zentroa.
  • Hirugarren saria (1.000 euro) Silvia Agrafojo Fernéndezen ‘Baratzetik’ proiektuarentzat;  Elorrieta Erreka Mari Zentroa.
  • Laugarren saria (500 euro) Begoña Echabe, Carol Morunas, Emma Esteras, José Larrondo, Mikel García eta Nicolás Tamayoren ‘IzAz3D’ proiektuarentzat; Bilboko Emilio Campuzano Zentroa.
  • Bosgarren saria (500 euro) Ander San José Velascoren ‘AyalaCamperVans’ proiektuarentzat; Basauriko Bidebieta Zentroa.
  • Seigarren saria (500 euro) Beatriz Amenedo, Borja Maleta eta Yanilke María Villacísen ‘Bubble Babies B.B.‘ proiektuarentzat; Sopuertako San Viator Zentroa.
  • Zazpigarren saria (500 euro) Julieth Brito eta Nerea Alonsoren ‘Parafarmacia Dietética, Estética, Bihotza’ proiektuarentzat; Leioako Jose Miguel Barandiaran Zentroa.
  • Zortzigarren saria (500 euro) Ainhoa García, Angie Mikaela Valladarez, Josu Ozalla eta María Barberren ‘Proyectos Ecológicos sin Plástico’ proiektuarentzat; Bilboko Zabalburu Ikastetxea.
  • Bederatzigarren Saria (500 euro) Joana García Belarren ‘Oposikasi Akademia’ proiektuarentzat; Markinako Lea Artibai Zentroa.
  • Hamargarren saria (500 euro) Ander Calvo, Andrea Blanco, María Aurkene Obregón, Nadir Cogollo eta Oier Castañoren ‘Gozogintza’ proiektuarentzat; Santurtziko San José de Calasanz Zentroa.

Bideorik onenen sariak

Aipatu dugun Gure Tabadul horretaz gain;

  • Enaitz Anta Fernándezen ‘4 Art’ proiektuarentzat; Bilboko Emilio Campuzano Zentroa.
  • Aser Ebro Rodríguezen ‘Speedas’ proiektuarentzat; Barakaldoko Nicolás Larburu Zentroa.
  • Marlene López Espinozaren “Ganatxe” proiektuarentzat; Galdakaoko Ostalaritza-Zentroa.
  • Hugo Díez Virizuelaren ‘Diversity Dance School’ proiektuarentzat; Getxoko Fadura Zentroa.
  • Leire Goitia, Maider Seijido eta Maitane Jaioren ‘Naturart’ proiektuarentzat; Gernikako Institutua.

premio Enpresari 20

Enpresari 20 urte

Enpresari Programak 20 urte bete ditu Lanbide Heziketako ikasleen artean enpresa-ekintzailetzaren kultura bultzatzen.

DEMA Foru Agentziaren programa honen balantzearen arabera, Bizkaiko LHko ikastetxeetako ikasleek 1.821 tailer egin dituzte, 3.848 ideia aurkeztu dira eta 863 enpresa-proiektu aurkeztu dira. Guztira, 48.500 ikasle inguruk parte hartu dute 2001. urteaz geroztik.
Teresa Laespada: “Enpresari-rekin gure gazteak ausartzera, ahalegintzera eta elkarlanaren, berdintasunaren edo iraunkortasunaren moduko balioak sustatzera animatu nahi ditugu”.

Enpresari Programak 20 urte daramatza Bizkaiko Lanbide Heziketako ikastetxeetako ikasleen eta irakasleen artean ekintzailetzaren kultura sustatzen. DEMA – Enplegu eta Ekintzailetza Foru Agentziako teknikarien laguntzarekin eta Enplegua Sustatzeko Foru Sailaren eta Lanbide-Euskal Enplegu Zerbitzuaren laguntzarekin, lurraldeko LHko hogeita hamar zentrok aintzatespen zabala eman diote ekintzailetza eta autoenplegua sustatzeko programa honi.

Programa hau baliagarria dela Enpresarik enpresa-kultura ekintzailea sustatzeko bi hamarkada hauetan izan dituen emaitzetan egiaztatu da. Guztira, 2001az geroztik – Programaren hasiera-data – 1.821 tailer egin dira, eta LHko zikloetako 37.397 ikaslek parte hartu dute.
Gainera, 20 urte hauetan, 3.438 ideia sortu dira LHko ikasgela horietan, eta 8.790 ikasle arduradunek hartu dute parte. Eta, azkenik, DEMAko teknikarien laguntzarekin aurkeztu eta ondutako ideia guzti horietatik 863 proiektu argitaratu dira, benetako errealitateari itsatsita daudenak, eta horietan 2.310 ikaslek parte hartu dute.
Azken batean bi hamarkada hauetan Enpresari Programak 48.500 ikasle inguru mobilizatu ditu bere tailerretan, ideiak prestatzen eta proiektuak aurkezten.

DEMA Foru Agentziako teknikariak dira, ikastetxeetako tutoreen, irakasleen eta zuzendarien laguntzarekin, tailer horietan guztietan ikasleen ideiak garatu ahal izatea ahalbidetu dutenak, ideia, proiektu eta, kasu batzuetan, enpresa-errealitate bihurtu arte.
Enpresari-ren azken helburua ez da horrenbeste enpresak sortzea, baizik eta autoenpleguaren eta enpresa-ekintzailetzaren kultura zabaltzea ikasleen artean; izan ere, jakin dakigu gaurko ikasle horiek biharko enpresaburu izan daitezkeela Bizkaian.

Ildo horretatik, historian zehar hainbat enpresa-esperientzia izan dira, paperetik errealitatera igaro direnak: foru programa honen babesean irekitako negozioen artean enpresa asko daude, batzuk oso finkatuta daudenak, 20 urte baino gehiagorekin, Emilio Campuzano ikastetxeko Diluz kasu; Auspola, Peñascal Fundazioko arotzeria metalikoa; Durangoko DDS Informática; Tartangako Megasound edo Irekisoft; Sampler, Zabalburu Ikastetxekoa; Hárika, Errepelegakoa; Felicitarte, Emilio Campuzano ikastetxekoa, etab.

“Enpresari ez da soilik kultura ekintzailea sustatzeko programa bat; ez da soilik DEMA, Lanbide edo Enplegua Sustatzeko Foru Saila bezala kalitatezko enplegua sortzeko konpromisoa duten erakundeak inplikatzen dituen programa bat. Mugiarazten gaituena ez da ideiarik onena aurkitzea, ezta enpresa-proiekturik onena sortzea ere. Enpresari-rekin gure gazteak ausartzera, ahalegintzera eta elkarlanaren, berdintasunaren edo iraunkortasunaren moduko balioak sustatzera animatu nahi ditugu” azpimarratu du Teresa Laespadak, Enplegua, Gizarte Inklusioa eta Berdintasuna Sustatzeko diputatuak.

Enpresa-Ideia eta -Proiektuen Lehiaketaren 20. edizioko sariak emateko DEMA-Enplegu eta Ekintzailetza Foru Agentziak ekitaldi berezia antolatuko du ekainaren 23an Bilboko Euskalduna Jauregian enpresa-kultura ekintzailea sustatuz bete diren bi hamarkada horiek ospatzeko.

Gaur egungo 2020-2021 deialdian, pandemiak zailtasunak eragin baditu ere, 122 tailer egin dira (1.908 parte-hartzailerekin), 216 ideia aurkeztu dira (563 parte-hartzailerekin) eta 70 proiektu egin dira (184 parte-hartzailerekin).

DEMA Foru Agentziak, inplikatutako irakasleekin eta zentroekin batera, kontuan hartuta edukierak murriztu egin direla ahalegin handia egin du saioen kopurua handitzeko. “Covid-19aren ondorioz zailtasun eta eragozpen gehiago egon arren, guztion artean programa aurrera atera dugu LHko gazteen artean enpresa-ekintzailetzaren kultura bultzatzeko”, onartu du Marivi Riolek, DEMAko zuzendari-kudeatzaileak.

 

Taller de maduración en San Viator

Anezken amaierako “on line” topaketa

Ekainaren 22an, 23an eta 24an networking birtuala egingo da, anezketan parte hartu duten eta langabezian dauden pertsonak beren lanbide-intereseko enpresekin harremanetan jartze aldera.

  • Pandemia gorabehera, azken hiru anezketan parte hartu duten pertsonen laneratze-maila % 60 ingurukoa izatea espero da.

  • Laespada: “Programa honek tresna erabilgarriak eskaintzen ditu lana aurkitzeko, eta pertsonak ahalduntzeko”

2020az geroztik bizi izan dugun pandemiak zailago jarri du enplegu-anezken eta ekintzailetza-anezken lana. Programa horren bidez, parte-hartzaileen enplegagarritasuna hobetu nahi da, adituen tailerren eta lan-saioen bitartez, online eta aurrez aurre, enplegua bilatzen duten pertsonentzat xedaturik. Hala ere, orain arte erdietsi diren emaitzek adierazten dutenaren arabera, zailtasun horiek ez dituzte Enplegu eta Ekintzailetza Foru Agentziak (DEMA) Santa María la Real Fundazioarekin lankide jardunik egiten duen programaren emaitza onak arinduko: joerari jarraituz gero, laneratze-mailak % 60 ingurukoak izango dira, Covid-19ren eragina gorabehera.

Joan den martxoaren 1ean hasitako lanak ekainean itxiko dituzten hiru anezkekin –bi Bilbon eta bat ezkerraldean– 36 anezka jarri dira abian 2016an programa hasi zenetik. Guztira, 701 parte-hartzaile izan dira (453 emakume eta 248 gizon).

Pandemiak berak eta Covid-19k oraindik ezarri dituen murrizketek ez dute ahalbidetzen azken urteotan egin izan den topaketa presentziala egitea, baina Enplegu eta Ekintzailetza Foru Agentziak ‘networking’ saio bat antolatu du formatu birtualean ekainaren 22, 23 eta 24rako.

9 enpresak parte hartzen dute

“On line” topaketa honen helburu nagusia da Anezka (Enplegu eta Ekintzailetza Anezkak) programan parte hartzen duten pertsonak beren lanbide-intereseko enpresekin harremanetan jartzea, pertsona horien enplegu-bilaketa bultzatze aldera. Printzipioz, networkingaren hiru egunetan zehar, parte hartzen duten enpresen ordezkariek (9 guztira) euren sinaduren aurkezpena egiteko asmoa dute. Ondoren, lan-elkarrizketak egingo dira interesdunekin.

Networkingaren hasiera egunean, ekainaren 22an, Enplegua, Gizarte Inklusioa eta Berdintasuna bultzatzeko Saileko ordezkariek, DEMA taldeko ordezkariek eta anezka bakoitzeko ordezkari batek hitz egingo dute, eta aurkezpen labur bat egingo dute. Ondorik, parte-hartzaileen eta enpresen arteko topaketak egingo dira. Parte-hartzaileen eta enpresen arteko topaketen formatua hilaren 23an eta 24an errepikatuko da.

Teresa Laespada Enplegua, Gizarte Inklusioa eta Berdintasuna sustatzeko foru diputatuak adierazi duenez, anezkak pertsonen enplegagarritasuna hobetzeko tresna baliagarriak dira. “Programa honek lana aurkitzeko eta pertsonak ahalduntzeko tresna erabilgarriak eskaintzen ditu”.

Anezka programa (Enplegu eta Ekintzailetza anezkak) 2016an hasi zen, Santa Maria la Real Fundazioarekin elkarlanean. Anezkak lana bilatzen duten profil desberdinetako pertsona-taldeak dira, profesional batek dinamizatzen ditu eta bilaketa hori modu eraginkorragoan egiteko ekintzak garatzen dituzten lantoki batean kokatzen dira. Ordutik aurrera, horietan parte hartu duten pertsonen laneratze-maila % 60 ingurukoa izan da.

 

Laespada Lanzadera Bilbao DEMA

Abian da Laborlan enplegu-prestakuntza programaren bigarren edizioa, 111 pertsona biltzen dituena

TERESA LAESPADA LABORLAN II DEMA

Teresa Laespada: Enplegua, Gizarte Inklusioa eta Berdintasuna Sustatzeko Foru Diputatua.

 

  • Guztira 73 pertsonak izan dute kontratudun lan-esperientzia bat programaren lehen edizioan, eta, ondoren, 23k lortu dituzte kontratuak Laborlanetik harago.
  • Bigarren edizioak lau hilabetera arteko lanaldi osoko lan-esperientzia izango du sei sektore ekonomikoko enpresetan.
  • Teresa Laespada: “Enpresei estu lotutako programa egin nahi genuen, sorteen ziren unetik bertatik.  Programa pertsonalizatua, neurrira egina, garien eta denboren arabera doitua.  Beharrak enpresen arazo, proiektu, aldaketa eta bilakaeran sortzen direlako”.

Bizkaiko Foru Aldundiko Enplegu eta Ekintzailetzaren Foru Agentziak (DEMA) sustatutako LaborLan enplegu eta prestakuntzarako programa mistoaren bigarren edizioa abian jarri da aurten sei sektore berrietan prestakuntza- eta lan-esperientzia garatuko duten 111 pertsona aukeratuta.

Programaren edizio berri honetan, Enplegua, Gizarte Inklusioa eta Berdintasuna Sustatzeko Foru Sailari lotutako agentzia honek hautatutako sei sektoreak honako hauek dira: Nekazaritza, Bioosasuna, Eraikuntza, Zaintzen Ekonomia, Basogintza, Galdaketa eta Metala.  Parte hartzen duten enpresek (guztiak Bizkaian kokatuak) konpromisoa hartzen dute programa honetan esku hartzen duten ehun pertsona luzeri lan-esperientzia bat —gehienak programak berak finantzatutako kontratuarekin— eta tutore baten figura duen laguntza eskaintzeko.

Laborlanen bigarren edizio honetarako hautatutako 111 pertsonek parte hartu dute gaur goizean izandako topaketa batean; ekitaldi horretan parte hartu duten beste eragileak honakoak izan dira: Enplegua, Gizarte Inklusioa eta Berdintasuna Sustatzeko Foru Saileko diputatu Teresa Laespada, Urdaiabaiko ekintzaile eta arraunlari ohi Eneko van Hoerenbeke (Conquistador del Fin del Mundo saioaren 2005eko lehen edizioaren irabazlea), enpresa eta erakunde laguntzaileak, eta DEMAko zuzendari kudeatzaile Mariví Riol.

Laespada diputatuak adierazi duenez, Laborlanen lehen edizioa pandemiaren urtean jarri zen martxan, “Tsunamiaren erdian”, eta 112 pertsonari lagundu zien, besteak beste, psikologian, fabrikazio mekanikoan, gozogintzan, programazioan eta garraioan.

“Enpresei estu lotutako programa egin nahi genuen, sorteen ziren unetik bertatik.   Programa pertsonalizatua, neurrira egina, garien eta denboren arabera doitua.  Beharrak enpresen arazo, proiektu, aldaketa eta bilakaeran sortzen direlako.  Programa misto bat, prestakuntza eta lanbide-esperientzia dituena, iraupen aldakorreko lan-kontratu baten bidez.  Ekintzara bideratua. Praktikoa. Eta tutoreen laguntzaz ibilbide osoan”, azaldu du.

Ildo horretan, pandemiaren oztopoak eta uholdeak gorabehera, “73 pertsonak bi eta hiru hilabete arteko esperientzia profesionalak izan zituzten lanaldi partzialean 56 enpresatan”, eta horietatik 23k, gutxienez, kontratazio berriak lortu dituzte Laborlandik harago.

Laespadak gaineratu duenez, Laborlanek “langabeei laguntzen die modu integralean”.  “Ez da enplegu programa bat gehiago, prestakuntza, amaierara arteko laguntza, lan-kontratu baten bidezko esperientzia profesionala eta enpresetara hurbiltzea eskaintzen dituen programa bat baita”, azpimarratu du.

KONTRATUDUN LAN-ESPERIENTZIA

Lan-esperientzia lanaldi osoko aldi baterako lan-kontratu baten bidez gauzatuko da, gehienez ere lau hilabetez.  Kontratuak 2021eko urriaren 31ra arte iraungo du, gehienez ere. Programa Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak finantzatzen du; 1.335.000 euro guztira.

PANEL 2 LABORLAN II DEMA

José Luis Fuente, Iñaki Urresti, Mertxe Arribas, Karmele Acedo, Patricia Gutiérrez e Iñigo Bilbao.

 

Laborlanen bigarren edizio hau sei sektoretan banatuta dago: Nekazaritza, Bioosasuna, Eraikuntza, Pertsonen Zaintzen Ekonomia, Galdaketa eta Metala.

  • Nekazaritza-sektorean Euskadiko Baserritar Profesionalen Nekazaritza Erakundearekin (ENBA) lankidetzan egin da, erakunde horrek baitu ordezkaritza handiena nekazaritza-sektorean Bizkaian. Guztira 29 lagunek hartuko dute parte.
  • Bioosasunaren sektorean Euskal Autonomia Erkidegoko Osasunerako Zientzia eta Teknologiako Enpresen Klusterrarekin egin da (Basque Health Cluster), gure lurraldean biozientzien eta osasunaren sektorean ordezkaritza handiena duen erakundea baita. Guztira 15 lagunek hartuko dute parte.
  • Eraikuntzaren sektorean enplegu-prestakuntzako programa bat sustatu da Bizkaiko Etxegile Sustatzaileen bazkunarekin (ASCOBI-BIEBA) lankidetzan. Guztira 20 lagunek hartuko dute parte.
  • Pertsonak Zaintzeko Ekonomiaren sektorean aurrera eraman da Gizarte Zerbitzu Integratuak kooperatiba-sozietatearen lankidetzarekin. Talde horrek gizarte-ekimeneko eta onura publikoko enpresak (SSI) biltzen ditu, sektore horretan Bizkaian ordezkaritza handiena duen erakundea baita. Guztira 20 lagunek hartuko dute parte.
  • Galdaketaren sektorean Euskal Autonomia Erkidegoko eta Nafarroako galtzaileen Elkartearekin (AFV) koordinatu da, gure lurraldean sektorean ordezkaritza handiena duen erakundea baita. Guztira 12 lagunek hartuko dute parte.
  • Azkenik, 45 urtetik gorakoentzako metalaren sektorean (espezialitate industriala, elektronikoa eta aeronautikoa) Urbegi Inserción erakundearekin (Urbegi) lankidetzan sustatu da. Irabazi asmorik gabeko erakunde horren helburua da Bizkaian laneratzeko zailtasun bereziak dituzten pertsonak sustatzea. Guztira 15 lagunek hartuko dute parte.

PANEL LABORLAN II DEMA

Asier Albisu, Víctor Maté, María Pascual, Javier Larrañaga, José Ignacio de la Peña y Marcial Alzaga.

 

Enplegu- eta prestakuntza-programa misto honetan parte hartu duten erakunde guztiak funtsezko eragileak dira beren sektoreen beharrak hautemateko eta, batez ere, lanbide-profilen eta -gaitasunen eskaintzaren eta eskariaren arteko doikuntza errazteko.

 

 

Hasi da 111 parte-hartzaile berrientzako LaborLan enplegu-prestakuntza programaren bigarren edizioa

  • Guztira 73 pertsonak izan dute lan-esperientzia programaren lehen edizioan
  • Sei sektore ekonomiko berrietako enpresetako lan-esperientzia lanaldi osoko aldi baterako lan-kontratu baten bidez gauzatuko da, gehienez ere lau hilabetez.
  • Bilboko Azkuna Zentroan egingo den ekitaldi batean, sei erakunde laguntzaileetako ordezkariek eta nekazaritza, bioosasuna, eraikuntza, zainketa-ekonomia, galdaketa eta metal arloko sei enpresatako ordezkariek hartuko dute parte.
  • Teresa Laespada: “LaborLan programak langabeei laguntzen die modu integralean”.

Bizkaiko Foru Aldundiko Enplegu eta Ekintzailetzaren Foru Agentziak (DEMA) sustatutako LaborLan enplegu eta prestakuntzarako programa mistoaren bigarren edizioa abian jarri da aurten sei sektore berrietan prestakuntza- eta lan-esperientzia garatuko duten 111 pertsona aukeratuta.

Kasu honetan, foru agentziak aukeratutako sei sektoreak (langabezian dauden pertsonentzako enplegu eta prestakuntza programa mistoa), honako hauek dira:  Nekazaritza, Bioosasuna, Eraikuntza, Zainketa Ekonomia, Basogintza, galdaketa eta Metala.

Astelehen honetan, apirilaren 26an, Azkuna Zentroan egingo den ekitaldi batean –DEMA foru-agentziak antolatua–, LaborLan programa misto eta integralaren edizio berriko enpresa eta erakunde laguntzaileek bi mahai-ingurutan azalduko dituzte prestakuntza eta enplegua uztartzen dituen esperientzia batekin bat egiteko arrazoiak, sektore bakoitzaren errealitatea, enpresak eta haien beharrak ezagutzen dituzten sei erakunde laguntzaileen eskutik. Bestalde, parte hartzen duten enpresak, guztiak Bizkaikoak, tutore gisa arituko dira, eta guztiek ere lan-esperientzia bat eskainiko diete pertsona horiei kontratu osoan zehar.

arranque laborlan ii

Ekitaldian Eneko van Hoerenbeke Urdaiabaiko ekintzaile eta arraunlari ohiak parte hartuko du (2005ean El Conquistador del Fin del Mundo saioaren lehen edizioa irabazi zuena). Ekitaldia Mariví Riol DEMAko zuzendari gerenteak aurkeztuko du, eta Teresa Laespada andreak, Enplegua, Gizarte Inklusioa eta Berdintasuna Sustatzeko diputatuak, hasiera ofiziala emango dio.

Foru programak zuzkidura ekonomiko bat ematen die enpresei, eta horrek estaltzen ditu soldata kostu gehienak, %75eraino sektore gehienetan.

Lan-esperientzia lanaldi osoko aldi baterako lan-kontratu batekin gauzatuko da, gehienez ere lau hilabetez.  Kontratuak 2021eko urriaren 31ra arte iraungo du, gehienez ere.

Programa Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak finantzatzen du, 1.335.000 euro guztira.

Iaz hasi zen LaborLan I programa Covid-19aren pandemia betean, eta sei sektore eta/edo lanbide hartu zituen guztira:  Gozogintza, Psikologia, Programazioa, Industria Fabrikazioa, Autobuseko Gidaria eta Fabrikazio Mekanikoa-Soldadura. Guztira 73 pertsonak izan dute lan-esperientzia programaren lehen edizioan.

Teresa Laespada Enplegua, Gizarte Inklusioa eta Berdintasuna Sustatzeko diputatuak enpresetan eta langabeen artean sortutako itxaropenak azpimarratu ditu, eta LaborLanek “langabeei laguntza osoa” ematen diela azpimarratu du.  “Ez da enplegu programa bat gehiago, prestakuntza, amaierara arteko laguntza, lan-kontratu baten bidezko esperientzia profesionala eta enpresetara hurbiltzea eskaintzen dituen programa bat baita”, gaineratu du.

Gainera, azaldu duenez, eskulana behar duten sektoreetan egingo da, enpresa munduarekin batera egindako azterketa eta ebaluazioaren arabera. Laborlanen bigarren edizio hau sei sektoretan banatuta dago: Nekazaritza, Biomedikuntza, Eraikuntza, Pertsonen Zaintzen Ekonomia, Galdaketa eta Metala.

  • Nekazaritza-sektoreko enplegu- eta prestakuntza-programa Euskadiko Baserritar Profesionalen Nekazaritza Erakundearekin (ENBA) lankidetzan egin da, erakunde horrek baitu ordezkaritza handiena nekazaritza-sektorean Bizkaian. Guztira 29 lagun ariko dira lanean
  • Bioosasunaren sektoreko programa Euskal Autonomia Erkidegoko Osasunerako Zientzia eta Teknologiako Enpresen Klusterrarekin egin da (Basque Health Cluster), gure lurraldean biozientzien eta osasunaren sektorean ordezkaritza handiena duen erakundea baita. Guztira 15 lagun ariko dira lanean
  • Eraikuntzaren sektorean enplegu-prestakuntzako programa bat sustatu da Bizkaiko Etxegile Sustatzaileen bazkunarekin (ASCOBI-BIEBA) lankidetzan. Guztira 20 lagun ariko dira lanean
  • Pertsonak Zaintzeko Ekonomiaren programa aurrera eraman da Gizarte Zerbitzu Integratuak kooperatiba-sozietatearen lankidetzarekin. Talde horrek gizarte-ekimeneko eta onura publikoko enpresak (SSI) biltzen ditu, sektore horretan Bizkaian ordezkaritza handiena duen erakundea baita. Guztira 20 lagun ariko dira lanean
  • Galdaketaren sektoreko programa Euskal Autonomia Erkidegoko eta Nafarroako galtzaileen Elkartearekin (AFV) koordinatu da, gure lurraldean sektorean ordezkaritza handiena duen erakundea baita. Guztira 12 lagun ariko dira lanean
  • Azkenik, 45 urtetik gorakoentzako metalaren sektorea (espezialitate industriala, elektronikoa eta aeronautikoa) Urbegi Inserción erakundearekin (Urbegi) lankidetzan sustatu da. Irabazi asmorik gabeko erakunde horren helburua da Bizkaian laneratzeko zailtasun bereziak dituzten pertsonak sustatzea. Guztira 15 lagun ariko dira lanean

Enplegu- eta prestakuntza-programa misto honetan parte hartu duten erakunde guztiak funtsezko eragileak dira beren sektoreen beharrak hautemateko eta, batez ere, lanbide-profilen eta -gaitasunen eskaintzaren eta eskariaren arteko doikuntza errazteko.

 

 

Berrietan bilatu