Anezka programari buruzko informazioa

DEIALDIA ZABALIK !

Anezka enplegu-programek langabeen gaitasun pertsonalak eta enplegagarritasuna hobetzen dituzte eta laneratzeko prozesuan laguntzen diete, lanpostu bat aurkitzeko aukerak areagotzeko.

Anezka programetan langabezian dauden pertsona boluntario eta aktiboen talde heterogeneoak sortzen dira. Talde horiek koordinatzaile baten laguntzarekin antolatzen dira, besteren konturako zein norberaren konturako enplegu-bilaketa bultzatzeko, programak garatzen dituen jarduketetan kide guztiak lan-merkatuan sartzeko bideak eta moduak aztertzen dituztelako.

Norentzat dira Anezka programak?

Langabetuei edo enplegua hobetzeko prozesuetan izena emanda daudenei zuzenduta daude, betiere pertsona horien lanak programatutako saioetara joatea eragozten ez badie eta enplegua bilatzeko estrategiari bultzada eman nahi badiote.

Zer baldintza bete behar ditut parte hartzeko?

  • Bizkaian bizitzea.
  • Lanbiden, Euskal Enplegu Zerbitzuan, langabezian edo enplegua hobetzeko prozesuan izena emanda egotea (betiere programan era aktiboan parte hartzea eragozten ez badu).
  • Anezka linearen beste programa batean parte hartu ez izana.
  • Ordenagailua eta Interneterako sarbidea izatea eta programa gauzatu ahal izateko oinarrizko ezagutza informatikoak edukitzea.

Nola funtzionatzen du Anezkak?

  • Taldea gehienez 15 pertsonak osatzen dute, eta osatzen duten pertsonentzat lana aurkitzeko lan egiten du.
  • Enpleguko teknikari batek dinamizatzen ditu lan-saioak, eta laguntza iraunkorra ematen du.
  • Programan sartzea borondatezkoa eta kontraprestaziorik gabekoa da, eta konpromiso handia eskatzen du programatutako saioetan parte hartzeari eta horietara joateari dagokienez.

Zer jarduera daude programaren barruan?

  • Enplegagarritasuna hobetzeko hainbat proiektu, prestakuntza-pilulak, talde-dinamikak eta talde-lana lantzeko talde-saioak.
  • Koordinatzailearekin saio pertsonalizatuak egiteko aukera.
  • Tailerrak adituekin enplegua bilatzearekin lotutako arloetan
  • Nork bere burua ezagutzea, marka pertsonala eta helburu profesionala.
  • Lan-merkatuaren funtzionamendua. Sektoreko enpresak identifikatzea.
  • Enplegua bilatzeko eta aukerak hautemateko baliabideak.
  • Curriculuma, elkarrizketa eta komunikazio eraginkorra.
  • Foro, topaketa eta ekitaldiak antolatzea eta horietan parte hartzea.
  • Ekintzailetza-tailerrak eta ibilbide praktikoa negozio-ideia duten pertsonentzat

Gaur egun, ANEZKAk bi modalitate eskaintzen ditu:

  • Anezka – Enpleguaren eta ekintzailetzaren anezka.
  • Anezka Prest.

Zer desberdintasun daude Anezka, enpleguaren eta ekintzailetzaren anezka eta Anezka Presten artean?

Anezka, enpleguaren eta ekintzailetzaren anezka

Anezka Prest

Iraupena

Hilabete eta erdi, urriaren 25etik otsailaren 25era

Hilabete eta erdi (14 saio), azaroaren 5etik urtarrilaren 20ra.

Saioak

Talde-saioak astean 3 egunetan

Talde-saioak astean 2 egunetan

Saio presentzialak

Astean 2 egunetan, 4 ordu egun bakoitzean

Astean egun 1, 4 orduko saio presentziala.

Online saioak

Saio 1 online, 2 ordu eta erdikoa

Saio 1 online, 2 ordu eta erdikoa

Bi modalitateetako batean ere ez da amaitutzat jo behar enplegua aurkitu bada, hori baita programaren helburua.

Izena emateko epea:

  • Urriaren 12ra arte.

Inskripzioa egiteko modua:

Izen-ematea bakarra izango da bi programetarako eta jarraian egin dezakezu, zure curriculuma erantsita. Ondoren zurekin harremanetan jarriko gara informazio-saio batera deitzeko, eta saio horren ostean erabakiko duzu hautaketa-prozesuan parte hartu nahi duzun eta Anezka  edo Anezka Prest programako kide izan nahi duzun:

IZENA EMAN

 


Zerikusia duten programak

enLANzar

Bizkaiko Enplegu Anezketan parte hartu ostean modu aktiboan lan bila jarraitzen duten pertsonei laguntzeko jaio da enLANzar programa.   Norentzat […]

Programa honekin zerikusia duten post-ak Ikusi denak ›

Heldu da Sarekin Week 2020 Bizkaiko Ekintzailetzaren Astea!

Eskura dago jada urriaren 26tik 30era egingo den egitasmo interesgarri honen programa osoa. Bizkaiko ekintzaile guztientzat zabalik dagoen egitasmo honek […]

21.10.2020

Millennials Programaren (2019-2020) bigarren edizioaren amaiera

Teresa Laespadak,  Enplegua, Gizarteratzea eta Berdintasuna Sustatzeko Bizkaiko Foru Diputatuak, Marivi Riolekin batera, bere Enplegu eta Ekintzailetza agentzia den DEMAren […]

16.07.2020

Abian da Millennials Programaren bigarren edizioa

Bizkaiko Foru Aldundiaren Enplegua, Gizarte Inklusioa eta Berdintasuna Sustatzeko foru diputatu Teresa Laespadak eta DEMA Bizkaiko Enplegu eta Ekintzailetza Foru […]

09.12.2019

Abian da banbalina arteko lanbideak

Bizkaiko Foru Aldundiaren Enplegua, Gizarte Inklusioa eta Berdintasuna Sustatzeko Saileko DEMA Enplegu eta Ekintzailetza Foru Agentziak gaur abiarazi du Banbalina […]

02.12.2019

Lau enplegu-anezka berrik lagunduko diete 80 pertsonari beren helburua lortzen: lanpostu bat eskuratzea

Deialdi honekin, 27 izango dira Bizkaian abiarazitako enplegu-anezkak; haietan parte hartzen dutenen pertsonen artean, hamarretik seik lortzen dute lan-merkatura sartzea.

02.10.2019

Ekintzailetza Aretoa abenduaren 12an eta 13an egingo da, PRESTIK Enplegu Azokarekin batera

SAREKIN, Bizkaiko Ekintzailetza Sarea, lehenengo ekitaldiarekin finkatuko da: Ekintzailetza Aretoa. Ekintzaileak Bizkaiko ekintzailetzan parte hartzen duten eragile guztiekin topatzeko gunea. […]

01.11.2018

Erlazionatutako atalak