Enplegu-anezkak
ANEZKA Programa
2023ko iraila eta urriko anezketarako izena emateko epea zabalik dago.
LAN BILA NABIL
IZENA EMATEKO BIDEO TUTORIALA
BIDEOA ANEZKA PROGRAMAN PARTE HARTU DUEN BATEN TESTIGANTZA
Zertan datza?
Anezkak 20 langabek osatutako talde heterogeneoak dira. Parte-hartzaile guztiak boluntarioak eta aktiboak dira eta teknikari espezialista baten laguntzarekin antolatuta, besteren nahiz norberaren konturako lana bilatzen dute.
Nori zuzenduta dago?
Enplegua hobetzeko prozesuetan izena emanda daudenei edo honako baldintza hauek betetzen dituzten langabeei:
- Bizkaian izatea bizilekua.
- Lanbide-Euskal Enplegu Zerbitzuan langabe gisa edo enplegua hobetzeko prozesuetan izena emanda egotea, betiere horrek programan parte hartzea eragozten ez badio.
- Beste enplegu-anezkaren batean parte hartu ez izana.
- Ordenagailua eta Interneterako sarbidea izatea, eta oinarrizko ezagutza informatikoak izatea.
Zer eskaintzen du?
ANEZKA programetan, lana bilatzeko prozesua zure egoera berean dauden beste pertsona batzuekin batera egin ahal izango duzu, enpleguan aditua den teknikari baten laguntzarekin. Teknikari horrek saioak dinamizatuko ditu eta etengabeko laguntza eskainiko dizu.
Programan sartzea borondatezkoa eta kontraprestaziorik gabea da, eta konpromiso handia eskatzen du programatutako saioetan parte hartzeari dagokionez, enplegua aurkitzearen kasuan izan ezik.
Anezka programak eskainitako jarduerak:
- Besteak beste, honako gai hauek lantzen dituzten talde-saioak:
- Autoezagutza, marka pertsonala eta helburu profesionala.
- Lan-merkatuaren funtzionamendua. Sektoreko enpresak identifikatzea.
- Lana bilatzeko eta aukerak hautemateko baliabideak.
- Curriculuma, elkarrizketa eta komunikazio eraginkorra.
- Banakako saioak.
- Lana bilatzearekin lotutako arloetan adituak diren espezialistek emandako tailerrak.
- Foroetan, enpresekiko networking saioetan eta bestelako hainbat ekitalditan parte hartzea.
- Negozio-ideia duten pertsonentzako ekintzailetza-tailerrak eta ibilbide praktikoa.
Nola funtzionatzen du?
Anezka-taldea gehienez 20 pertsonak osatzen dute, eta lau hilabetez egiten du lan talde-saioetan – aurrez aurrekoak eta online – eta banakako saioetan, taldea osatzen duten pertsonen enplegagarritasuna hobetzeko.
Anezka amaitu arte lanik aurkitzen ez duen pertsona batentzat programak honako iraupen hau izango du:
- 15 aste: astean 3 talde-saio
- Aurrez aurreko talde saioen iraupena 4 ordukoa izango da, eta ordu 2 t´erdikoa online saioena.
- aparteko jarduerak antolatuko dira, hala nola foroetan edo ekitaldietan parte hartzea, saioetarako programatu gabeko egunetan.
Zein da izena emateko epea?
2023ko iraila eta urriko anezketarako izena emateko epea zabalik dago.