Enpresa-erreleboa elkarlanean lantzen denean, balizko itxiera bat aukera berri bihur daiteke.
Gaur, Bilboko merkataritza-sektorean enpresa-transmisioa sustatzeko Lankidetza Protokoloaren aurkezpenean parte hartu dugu. Ekimenak baliabideak eta esperientzia batzen ditu merkataritzaren erronka nagusietako bati aurrea hartzeko: erreleboaren unea iristen denean, bideragarriak diren negozioen jarraipena bermatzea.
Gure zuzendari gerente Gloria Mugica Condek NegoziON aurkeztu du, DEMAren enpresa-transmisioko programa. Haren bidez, negozioa eskualdatu nahi duten pertsonei zein martxan dagoen negozio batean ekiteko benetako aukera ikusten dutenei laguntzen diegu.
Gloriak nabarmendu duenez, enpresa-transmisioak jarduera ekonomikoa, enplegua eta urteetan metatutako ezagutza mantentzen laguntzen du. Protokolo honi esker, gainera, lan horren irismena handitu dezakegu, lurraldeko erakundeen eta eragileen arteko koordinazioa indartuz.
Aurkezpenean Kontxi Claver, Bilbao Udala – Ayuntamientoko Garapen Ekonomiko, Merkataritza, Turismo eta Enpleguko zinegotzia; Jakes Aguirrezabal Iribar, Eusko Jaurlaritza – Gobierno Vascoko Turismo eta Merkataritzako sailburuordea; eta Mikel Arieta-Araunabeña, Cámarabilbao | Cámara de Comercio, Industria, Servicios y Navegación de Bilbaoko idazkari nagusia ere izan dira.
Akordio honen atzean ideia argi bat dago: negozio bat itxi arte ez itxarotea haren etorkizunaz pentsatzen hasteko.
Horregatik, indarrak batu ditugu @Bilbao Udala – Ayuntamiento, Bilbao Ekintza, Eusko Jaurlaritza – Gobierno Vasco, Bizkaiko Foru Aldundia / Diputación Foral de Bizkaia, DEMA Agencia Foral de Empleo y Emprendimiento de Bizkaia, Cámarabilbao | Cámara de Comercio, Industria, Servicios y Navegación de Bilbao, @CECOBI | Confederación Empresarial de Comercio de Bizkaia, bilbaoDendak eta Bizkaidendak erakunde eta eragileok.
Erakunde eta eragile desberdinak, erronka bera: erreleboari aurrea hartzea, negozioei jarraipena ematea eta hutsetik hasi beharrik gabe ekiteko aukera berriak sortzea.
Ezagutu NegoziON eta Bizkaian erreleboa bilatzen ari diren negozioak: www.negozion.eus
