Eraikinen birgaitze jasangarria
Laborlan programa
Eraikinen birgaitze jasangarriko langile kualifikatuen eskaera handia denez, Laborlan Proiektuak eskaintzen du sektore horretan espezializatutako enplegu eta prestakuntzarako programa 18 lagunentzat.
LAN BILA NABIL
SEKTOREAK
Nork lagundu du?
Programa hau Bizkaiko Etxegile Sustatzaileen Bazkunarekin (BIEBA) elkarlanean egin dugu. Elkarte hori Bizkaiko Lurralde Historikoko eraikinen birgaitze iraunkorraren sektorean ordezkaritza handiena duen erakundea da, eta, gainera, ezinbesteko eragile bat da sektorearen beharrak hautemateko eta profil eta gaitasun profesionalen eskaera eta eskaintza egokitzen laguntzeko.
Zeintzuk dira helburuak?
- Pertsonen enplegagarritasuna hobetzea, bultzada emateko enplegutik eta enpleguranzko haien trantsizioei, haien garapen pertsonalari eta sustapen profesionalari.
- Enpresen lehiakortasuna hobetzea, gaitasun profesionalak egokituta merkatuaren egungo eta etorkizuneko premietara.
Zeintzuk dira parte hartzeko baldintzak?
Ez da beharrezkoa parte hartzaileek sektoreari buruzko aurretiko ezagutzak izatea, baina, hala ere, sektorean lan egiteko asmoa izan beharko dute, eta baldintza hauek bete beharko dituzte:
- Langabezian edo enplegua hobetzeko prozesuetan izena emanda egotea.
- Adin nagusikoa izatea.
- Bizkaian erroldatuta egotea.
- Oinarrizko prestakuntza izatea.
- Hala badagokio, lan baimena aurkeztea.
Kolektibo hauek izango dute lehentasuna:
- Emakumeak
- Iraupen luzeko langabeak (12 hilabete baino gehiago).
- 45 urtetik gorako langabeak.
- Langabezian dauden gazteak (30 urtera artekoak).
Zein da izena emateko epea?
Izena emateko epea zabalik apirilaren 18ra arte
Nola emango dut izena?
Izena emateko eskaera telematikoki egingo da, curriculuma erantsita.
Zertan datza prestakuntza?
- Datak: prestakuntza edukiak 2023ko apiriletik uztailera bitarte emango dira, 5 ordu egun bakoitzean.
- Tokia: Gallarta
- Gaiak:
- Eraikinen birgaitze iraunkorrerako prestakuntza espezializatua (300 ordu).
- Laneko Arriskuen Prebentzioa, igeltserotza lanetan (20 ordu).
- Igeltserotzako ingurumen jardunbideak (10 ordu).
- Aldamioak muntatzea (40 ordu).
- SATE sistema (120 ordu).
- Fatxada aireztatua (110 ordu).
- Zeharkako gaitasunen modulua: gaitasun digitalak, orientazioa eta lan aktibazioa (40 ordu).
- Eraikinen birgaitze iraunkorrerako prestakuntza espezializatua (300 ordu).
Zertan datza enpresako lanbide esperientziaren fasea?
Programaren bigarren fasea esperientzia profesional bat izango da. Parte hartzaileek Bizkaian dauden sektoreko enpresetan lan kontratu bat izango dute, jasotako prestakuntza praktikan jarri eta ofizioan benetako lan esperientzia lor dezaten.
- Datak: prestakuntzaldia amaitzen denean zehaztuko dira.
- Tokia: Bizkaia
- Kontratuaren iraupena: gutxienez 3 hilabetekoa.
Informazio gehiago
Erakunde laguntzailea
