Actualidad Dema

Zabalik dago Laborlan enplegu eta prestakuntza programaren bigarren edizioan izena emateko epea

Dema Agentziak bultzatzen duen LaborLan II programak laguntza integrala, prestakuntza eta esperientzia profesionala eskaintzen ditu, bost sektoretan kontratuak sustatuz: Biomedikuntza, Pertsonak Zaintzeko Ekonomia, Nekazaritza Sektorea, Galdaketa eta Eraikuntza.

Interesdunek martxoaren 21ra arte eman dezakete izena.

Teresa Laespada: “LaborLanek pertsonak enplegurantz laguntzen ditu”.

Astelehen honetan, martxoaren 1ean, hasi da LaborLan programaren bigarren edizioan izena emateko epea. Enplegu eta prestakuntzako programa misto hau Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailaren mendeko DEMAk, Enplegu eta Ekintzailetzaren Foru Agentziak, sustatzen du.

Laburbilduz, enpleguaren arloko politika publiko honek laguntza integrala eskaintzen die parte-hartzaileei, prestakuntza hautatutako sektorean, eta baita eta Covid-19aren pandemiak eragin duen krisiaren une hauetan funtsezkoa den besta gauza bat ere:  esperientzia profesionala, lau hilabetera arteko lan-kontratu  batekin, eta Bizkaiko benetako enpresa-ehunera hurbiltzeko aukera.

Teresa Laespadak, Foru Saileko diputatuak (PSE-EE), azpimarratu duenez, Laborlanek “langabeei laguntzen die” modu integralean. “Ez da enplegu programa bat gehiago, prestakuntza, amaierara arteko laguntza, lan-kontratu baten bidez esperientzia profesionala eta enpresetara hurbiltzea eskaintzen duen programa bat baita”, gaineratu du.

Gainera, eskulana behar duten sektoreetan finkatzen dela azaldu du, enpresa munduarekin batera egindako azterketa eta ebaluazioaren arabera.

Laborlanen bigarren edizio hau bost sektoretan banatuta dago: Biomedikuntza, Pertsonen Zainketen Ekonomia, Nekazaritza, Galdaketa eta Eraikuntza.

  • Biomedikuntzaren sektoreko programa Euskal Autonomia Erkidegoko Osasunerako Zientzia eta Teknologiako Enpresen Klusterrarekin egin da (Basque Health Cluster), gure lurraldean biozientzien eta osasunaren sektorean ordezkaritza handiena duen erakundearekin.
  • Pertsonak Zaintzeko Ekonomiaren sektoreari dagokion programa Grupo Servicios Sociales Integrados Sociedad Cooperativa elkartearen lankidetzarekin gauzatu da. Talde horrek gizarte-ekimeneko eta onura publikoko enpresak (SSI) biltzen ditu eta sektore horretan ordezkaritza handiena duen erakundea da Bizkaian.
  • Nekazaritzaren sektoreko enplegu- eta prestakuntza-programa Euskadiko Baserritar Profesionalen Nekazaritza Erakundearekin (ENBA) lankidetzan egin da; erakunde hau Bizkaian nekazaritza-sektorean ordezkaritza handiena duena da.
  • Galdaketaren sektoreko programa Euskal Autonomia Erkidegoko eta Nafarroako Galdatzaileen Elkartearekin (AFV) koordinatu da, sektore honetan gure lurraldean ordezkaritza handiena duen erakundea baita.
  • Eta, azkenik, Eraikuntzaren sektorean enplegu-prestakuntzako programa bat sustatu da Asociaci├│n de Constructores y Promotores de Bizkaia-Bizkaiko Etxegile Sustatzaileen Bazkuna (ASCOBI-BIEBA) elkartearen lankidetzarekin.

Enplegu- eta prestakuntza-programa misto honetan parte hartu duten erakunde guztiak funtsezko eragileak dira beren sektoreen beharrak hautemateko eta, batez ere, lanbide-profilen eta -gaitasunen eskaintzaren eta eskariaren arteko doikuntza errazteko.

Gaur egun bizirik dirau LaborLan I programak, iaz hasi zenak, eta guztira sei sektore eta/edo lanbide hartzen ditu: Gozogintza, Psikologia, Programazioa, Fabrikazio Industriala, Autobuseko gidaria eta Fabrikazio mekanikoa eta soldadura. DEMAREN aurreikuspenen arabera, aurtengo maiatzean amaituko da enplegu eta prestakuntza programa mistoaren lehen edizioa.

[boton texto=”INFORMAZIOA ETA IZEN EMATEA” enlace=http://www.dema.eus/programas-dema/programa-laborlan-ii/]

 

laborlan eus 2021 dema